關於被解僱,公司拒絶陪代通知金問題

我係做飲食業,上月初,我被公司解雇左,但沒有陪返合約例明既7日通期或代通知金.
被解僱當日,佢話有客電話投訴我,我問佢係邊個佢又 答唔到我,(其實跟本就冇咁既事,所以佢講唔出來.),後來過左一個禮拜度,我致電該公司,佢話只計左解僱當日,我的例假,同埋年假.就沒有出代通知金畀我,第日我去左勞工處,我將實情話左畀勞工處知,立左案.
幾日前去返勞工處調解,佢就拎左好幾條理由出來,當中有二條我記得,其它既跟本就無中生有.所以係呢度,我想請網友們D意見我,呢二條係:
其一:
話我係個場度同人打架:我好清楚地記得,果日係擺結婚酒,臨散場時,時間應該係11點幾差唔多12點左右,(係個好趕時間的時後),當時個女主任係門口安排緊主人家送客,跟本就沒係現場,係另一個高級主任叫我過去個同事個頭挪野,我去到之後,睇來睇唔到D野擺左係邊,我就問個同事,(當時佢忙緊,)佢好大聲同我講,"你自己搵啦,"我一聽到就來氣了:(係你自己經手D野,你擺左係邊,就講啦,我搵得到就唔晒問你啦,)佢行左出來,指住我,更加大聲"我叫你做,你就去做,即刻去做,個度,挪走,"果种態度好似叫狗咁樣,個一刻我實在忍唔倒,爆左一句粗.佢就一隻手伸過來,猛扯我一下頭發,就行開左,我沒有做過任何還擊,件事就係咁樣,完全係事實.之後,我條氣好唔順,就話畀D同事聽,(其實個女主任都係事後,係同事度聽返來既.)但上勞工處調解既時後,個女主任就話,佢親眼睇到我同同事打架.就此問題我想唔該網友們,畀個意見,我算唔同人打架.

其二:某一晚,八點左右,經理臨時臨急叫我入去幫手某一組長招呼一間聽房,十七位,起菜了,好多野都沒有預備,好忙,好鐵腳.左手斟可樂,右手斟茶既時先發現衝出來既茶己經完全冇晒茶味了.我同個組長講:"咁多人,頭先應該預備茶膽係度"?佢拉高語調:'咁係唔得啦':,同時個客就遞個杯過來畀我,要可樂,我就同同事講,:"咁你去開茶了",佢就既刻鬧出來了:"叫你去開你就去開啦,"同時佢拎起罐可樂同個隻水杯,"我來".我好討厭佢個態度,我唔出聲,望住佢,佢越是大聲咁鬧我:"你要做就做,唔做就走",咩上司來既,咁樣既態度,我最憎D以權欺人既人了,真係好激氣,我話:"你想叫我走啊,唔係即時哇"佢即時就走左去大堂.我拎住茶壺去衝茶返來途中,才知佢出去係去主任個度投訴繄我.事實就係咁,在此請網友們幫幫手,個女主任又話佢當時在場親眼見到,跟本間房就得我同個組長二個人,至於個組長當時點同個主任講,我唔知.
講到呢度,我好想知係咩原因令到呢個女主任如此講大話蝦我呢?

網友們:我非常明白出來做野係要受氣既,我亦都明白做野係做唔死人既,好坦白講,我係呢間公司,從未遲到早退過,我身體唔係好,需要經常食藥,但我從未同公司請過一次病假,試過,呼吸感染,食完醫生開既藥之後,完全失左聲,講唔到野,要靠寫紙仔講通,我知道公司唔夠人手,所以都堅持返工.係咁不停做野,連去廁所都要睇下個場是否真係行得開,先同高級申請去廁所,更加不曾蛇王過,試過好多次高級唔記得叫我去下午茶(因為公司星期一至五都有15分鐘時間下午茶),甚至連飯都唔記得叫我去食,(因為我地食飯係高級安排既),等我做完野出去,個場冇晒人了,先醒起吃飯,去食飯,見到經理,主任,高級都係度,不過人人都食晒了,得我食佢地食剩既,冇任何人同我講對唔住既,呢點我都唔計較.公司只有一二個唔遲到,其它個個都慣性遲到,有半個鐘,有一個鐘既,甚至二,三個鐘之後都沒見到人,干脆打個電話返來話有事,唔返了,佢地睜隻眼,閉隻眼.記得有次我11:30當班,11:24分就當班了,翻晒檯,清晒檯.....個場都全部搞定晒了,個主任12:06分出來鬧我遲到,事後佢知道我跟本都係唔會遲到既人,但鬧左就係鬧左,冇人同我講句對唔住,就算鬧錯左,我係唔係扺死呢?
有次,個部長去蛇王左十幾二十分鐘出來,(個晚本身就唔夠人手),我地做到10點幾忍住忍住連廁所都沒得閒去),追我快手D,其實當時我同佢笑既:"我話你去蛇王咁長時間,出來仲追我快手D,咩道理呀).佢既刻就去主任投訴我了,主任過來,當住客人既面就大聲鬧我,"不負從工作安排,不尊重上司,我地呢度就係咁樣啦,你可以唔做,我可以畀七日通知你..........",被佢鬧到狗血淋頭.唉!只有一句話,只准周官放火,不准百性點燈.
上司們的所做所為,係好多好多講唔晒.半年不到淨係聽面部來來去去都走左整二幾個人,個經理話,咁樣先好,才正常.我都深深地知道,我冇必要去理會人地點做,我做我自己D野,不過,係度,我可以大聲D講,我挪呢份人工,完全對得住呢間公司.反過來,點解得唔到人地D尊重呢,點解人地係都要針對我呢,再仔細想下,我記得有多人都同我講,做呢行係要熟人介紹,否則被人蝦囉.做左多年飲食業,我終於都信了,係來呢間公司先體會到.臨過年被人炒左,連代通知金都冇.
希望得到你啲寶貴的意見,期待係你的意見中吸取教訓,係教訓中自新,我要重新企返起來,需要你地的支持.
多謝大家!