去北京是自已去定跟團好呢？

如果你係一個人去而且係女仔嘅話, 跟團. 唔駛睇以下嘅內容.

如果係幾個人一齊去, 請睇以下內容:

首先要知道你想自由啲定係唔想煩? 你有無試過自己去旋行?

我係一個唔鍾意跟團嘅人, 因為唔鍾意限時限刻, 唔想咁早起身, 唔鍾意日日食同樣嘅酒店早餐...去到鍾意嘅地方可以留耐啲甚至再去, 唔鍾意可以即刻走唔使浪費時間. 會得到好多跟團唔會有嘅經歷...

當然, 自己計劃行程事前準備時間較長, 甚至有啲煩.
1. 訂機票, 酒店
2. 安排行程 - 條路點行先至順? 那些景點可以同一日去?搭咩交通工具先可以去到?....

至於邊個貴啲, 好depends. 如果你唔一定要住貴酒店, 成個行程可以好平.

結論:
唔想煩 -->跟團.
想自由啲經歷多啲 -->自己去啦!

如果決定自己去北京, 可參考以下建議:

1) 先check吓你想去旅行嘅日子來回機票要幾錢. 想住貴酒店就 check吓package抵定係分開訂抵.

http://www.cxholidays.com
http://www.mangocity.com/

酒店方面, 我自己鍾意住喺南鑼鼓巷內嘅旅館, 感覺好舒服

2) 買一本北京旅遊書, 睇吓自己想去邊啲地方同埋點去, 參考吓書內嘅建議行程. 可以到開益書局睇吓. (銅鑼灣sogo後面)

另外要提提你, 長城同十三陵離市區幾遠, 參加當地一天團係唔錯嘅選擇. 可向酒店查詢.

2009-02-11 23:43:47 補充：
各大名勝之正確地點或近那個地鐵出口 -- 買一本北京旅遊書就有晒答案, 出發時記得帶埋本旅遊書.

那間酒店最近地鐵口 -- 有好多酒店都好近地鐵口, 視乎你想住近邊度. 上網check酒店會有location map比你參考. 你check吓先啦~

如果你連呢啲都要人幫你諗, 都係跟團算喇!

p.s. 無論你跟團定係自己去, 記得攞酒店咭片同埋問酒店有無地圖,有啲酒店會免費, 有啲要收錢. 大約 rmb15.

跟團會好d，
一黎大陸地方比較危險，一大班人會安全d，
二黎跟團會有人講解多d有關名勝既野，雖然聽唔聽由得你，但至少有得揀，
三黎跟團平d，冇咁易俾人呃....
同埋跟團其實都有好多自由時間，咁可以自己再睇下，都好free....
唯一冇咁好既係去購物點，不過平d既團先係咁...

當然跟團會平過自由行,因為團體價錢比幾個人為代算. 至於北京當然第一次都可以自已去,因為好多景點在地鐵站都有站出,好易搵,但唯一唔方便就係好多景點都係以前既歷史故事,如果你唔懂,自已去就無人講解比你聽,而跟團導遊可以詳盡說明當年發生什麼等等, 如果你歷史不太好,見意你跟團為妙. 祝你旅途愉快.

你第一次去就跟團喇~！
我去過，D路都幾亂ga，
所以跟團比較好！！

如果你識路,就自己去,如果你不認識路,就跟團去!@.@建議你跟團去!