請高人指教。。。。鼠鼠問題

A.要將鼠爸分開,但鼠媽一定要同鼠B一齊,,就算鼠b有機會被食,都一定要咁做,因為鼠b一定要依賴鼠媽媽既奶先可以生存,人手係俾唔到奶俾bb食,好易"俗"死鼠b,而且鼠媽媽除左俾奶俾鼠b飲之外,都有其他職責,唔係人可以取替,好似幫鼠鼠清理排泄物,教鼠鼠出去搵食之類,相信都冇可能24小時照顧到鼠b既排泄物,如果冇人幫鼠b清理,鼠b都會死既一般唻趴在鼠B上面係冇咩問題亦係十分常見,鼠媽既乳頭在身體底部,都需要咁去餵奶,不過都有鼠鼠因為咁而誤傷鼠B,只係呢D冇得去避免,只能其他各方面做得好D,增加鼠B生存既機會

鼠鼠生左bb之後要留意以下幾點:
1)將鼠爸及其他鼠分開
2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約21日戒奶)
3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既
4)放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.
5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.
6)另外,如果用既籠係通風,bb可能會趺出唻,可以用d膠file整開包住個籠,但記得要整多d小孔,唔係就冇空氣

唔理鼠bb or 鼠bb被食有幾個原因:
1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb
2)鼠媽媽覺得bb養唔大-鼠bb身體弱 or 自己冇足夠既奶分俾佢地
3)鼠媽媽覺得bb有第d動物氣味
4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張
5)鼠bb死左
6)鼠爸爸對bb根本冇咩感情,所以如果生之前冇將鼠爸分開籠,爸爸就有機會會食bb,而鼠媽媽感到威脅,都會唔理鼠bb

B.鼠鼠過左一歲已經年老,生B本來就已經好傷身,加埋年老,咁係十分辛苦既事,希望你日後將佢地分籠,唔好再要佢地生B了,鼠鼠冇家庭觀念,唔可以一家大細一齊生活,會打交同亂倫,所以最好係一家大細都分籠
其實鼠鼠最好分籠,繁殖鼠鼠會有好多問題,希望你之後可以考慮唔好再繁殖鼠鼠,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)就算唔打傷打死,都會感到壓力,壓力會誘發甩毛肚瀉等疾病
6)一籠唔止一鼠,仲會較惡,特別易咬人同比較難同主人熟
7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

另外,鼠鼠之前成日打交,唔知佢地有冇受傷?鼠爸分籠後記得要仔細檢查,而鼠媽就要等鼠B 21日大戒奶分籠後先檢查得,鼠鼠打交受傷可參考以下我回答既知識:
http://hk.knowledge.yahoo.com/question/question?qid=7009010701103

鼠鼠過左一歲就開始老,照顧年老鼠要注意既事,可參考以下我回答既知識:(當然,鼠媽都係要等鼠B戒奶後先掂得)
http://hk.knowledge.yahoo.com/question?qid=7008040603097

其實你要先把爸爸分開 因為爸爸會食左d bb 而你千萬不要"店"d bb 因為媽媽會嗅到其他氣味 以為是敵人 而食左d bb嫁
重有 個媽媽扒左係到係喂緊奶姐 其實只要過左約三星期 你就可以"店"隻bb嫁啦