有關公立及私家醫院的產子事宜

你好！我是一個誇區過來人！

婚前我住粉嶺，婚後住元朗，元朗某健康院話，呢度做檢查，就一定去屯門醫院生，因為唔鍾意屯門，便同健康院醫生講︰
我會返娘家(粉嶺)待產，平時要o係元朗檢查，大住肚唔方便走過去粉嶺做(檢查)...
佢就會寫封信，又趁銀行信未更改地址時，渣住封信同住址證明去威記登記，再向威記講相同說話，甘就成功了！
由於醫院會睇你的住址及姓名，建議你找果區的朋友借地址兼收信，再同銀行講，你搬去果度，好快就會有一張新的住址證明喇！
至於收費，香港人普通房每日100，登記費50，二等房每日二千四百幾，頭等房每日三千幾，嬰兒是否另收就不清楚...
公務員或家屬免登記費，普通房每日50，二等房每日226，頭等每日300，嬰兒免費
其實你不必太擔心，每人運氣不同，我唔好彩，痛左40幾小時，擺明難產，威記死都不肯開刀，舊同事痛廿幾個鐘即刻開刀，視乎你遇到班人有冇醫德、有冇同情心...
但我聽聞聯合幾好，有舊同事去年去果度生
雖然我不知道私家收多少$，至少私家可要求開刀，所謂笑氣、無痛分娩全部呃人，無痛分娩最多減五成痛，陣痛係超級辛苦，五成真係冇乜用，還是覺得開刀好，生仔係不容易的事，真要小心選擇呀！

我本身唔係住荃灣，第一題答你唔到....
2) 因為而家公立醫院非常爆滿，遲d去登記都未必有位，所以一般都唔會接受誇區既。不過有d人就會用親戚朋友既地址去登記，咁就可以做到誇區。但係誇區都未必好既，開頭個肚細，去既次數較小，真係冇咩問題。但到中期、後期，去既次數密左，加上個肚又大，去到咁遠就唔多方便。而且到生果時，情況危急既話，去到咁遠生就冇咁好喇
至於收費，公立醫院住院期間一律大人$100一日，bb由出世起計$50一日。一般都係住3-4日。而所有產前檢查都係免費既
3) 間醫院好唔好都唔可以聽片面之詞，可能有好多覺得好既，不過佢地冇放上網到話比人知姐。不過如果要比既，私家當然就一定好過公立架啦。而講到公立最好既就應該係九龍既廣華，不過我自己就冇去廣華，去左QE，都唔錯，所以下一個都會去QE~
希望你可以揀到心水醫院啦~