我變成左第三者,我同佢一齊時佢呃我已經離左婚,因佢追我之前佢太太曾SEND信息俾佢話各行各路等等既字眼,我同佢一齊兩個月時,佢太太突然打俾我罵我,話我搶佢野,我先知道原來無離婚,佢太太亦都知道我唔知佢地未離婚,所以約左我出去傾,我地傾左成晚,佢太太問左我好多問題,我亦問佢太太係咪在我同佢拍拖前曾要求離婚,佢太太話係,最後佢亦有出黎,我睇住佢地嘈,我感到無奈所以想走.但佢拉住我,我掙扎時佢撞向牆,頭即時腫了,佢愛我嗎?過了數天,佢太太同我講心死,而且會離開,叫我借佢最後一晚,因為佢太太生日想佢陪,我一直以為佢地真係會分開,我好自責同內疚,我食唔落野,晚晚都自責,晚晚都哭,有时候要到第二朝先可以訓到,一個月瘦左十磅,我真係認為係我問題累佢地咁樣,直至再過三個月,佢太太知我同佢有見面,所以整爛晒佢D野,我唔明白,既然知道仲一齊,點解唔俾我地見面?我好內疚,覺得我應該離開啦,所以提出分手,大約十天後,佢太太傳信息俾我話會離開.仲講左一D唔好聽既說話,我唔明白唔係之前已經咁講咩?我好奇怪,我以為佢真係離開,所以我留下,直至近日,我希望搞清整件事,所以問左佢好多野,原來佢地仲有性行為,我唔明白點解佢地當初話會分開?佢太太係唔捨得定唔甘心?點解佢太太每次當我話要離開佢亦話要離開?或我在工作上可以幫助佢既丈夫,所以叫我留下?佢話佢地日日嘈,好少見到,但點解仲會有性行為?我覺得我好似瘋啦,我為左佢好多野都不顧及,甚至家人同朋友點話我我都無離開佢,我以為佢真係愛我,我相信佢地,結果原來係假既,難道佢地只係利用我幫助佢既工作嗎?佢地有性行為代表仲係夫妻,我無法再相信佢地,佢有否真的愛過我?我曾經感覺到,但後來已經感覺唔到,因為任何一個節日都無同過我度過,我唔知可以點避開佢,請大家教下點做先好......
更新1:
多謝 juliana123456789 既說話,我而家已經唔再聽佢地既電話啦,我想避開佢地,我回到家便立刻扙掉電話線,但我真係好怕有一日會再聽電話,因為家居電話係公用咖,我好怕會返轉頭,真係好驚,我界損自己既手俾自己一個警醒,我唔想再痛苦下去
更新2:
佢太太經常同佢講要搵我傾,我未知佢地仲有性行為時曾打俾佢太太,因為我都想搞清事情究竟係點,但佢太太知我打黎所以無聽,有一次我到他們家門口,佢地聽到腳步聲道我在門外,我亦SEND信息講俾佢知,但佢地在屋內無出聲亦無出門口同我傾,直至我離開時,佢地亦聽到我腳步聲知道離開,過了一會兒,佢終於打黎,但佢無出聲,我聽住佢兩個吵左幾句,我唔明白既然想同我傾,點解又唔聽電話,仲要扮不在家?究竟佢地個心係點諗,我好想知道.....
更新3:
回覆Selene Cheung
無錯,我都覺好似成日提佢太太,因為佢太太在佢地結婚後曾同另一D男孩一起同埋做第三者,結果被發現,所以我認為佢太太應該明白我既感受,既然唔拾得點得點解要打俾我同我講會離開,我知道這次我傷害左佢地,我想離開,心唔舒服,我唔知可以點樣永遠避開佢地
