想問開恩茲的” 激 流 泛 舟” 係點ga?

激流泛舟英文係rafting。
喺Cairns玩rafting, 係8個人坐喺隻橡皮艇兩旁, 一個專業rafting領隊會跟一隻艇, 喺水流急o既河度泛舟。
開始rafting之前, 個領隊會喺無乜水流o既河邊教大家一d rafting時o既口號(eg.點叫你停止划艇/繼續划/坐左或右邊o既人划..etc)。 大家一定要記緊佢o既口號, 因為進入激流o既時候, 佢會因應水流o既改變和石塊o既位置而叫不停o既口號, 大家就要好好聽住和急急轉變你o既划艇動作, 好刺激o架!

至於危唔危險, 其實都無乜生命危險問題o既, 一來因為每個人都要著住救生衣玩rafting, 二來若果你跌咗落水, 個領隊會拉埋你上艇, 若果你被水流沖離咗隻艇, 企喺河兩旁o既職員會throw條繩或者跳落河救你。 我諗有d危險性的情況, 就係你跌入水之後好驚, 驚到令自己有危險... 又或者被河裏面d大石卡住你隻腳而受偒...

話明玩"激流"嘛, 梗係會成日對下沖啦~ 不過唔會好高o既, 只係好快啫~ 領隊知道點樣划可以令到隻艇順利/反艇/轉彎..etc, 所以一定要聽實領隊o既口號!

條河d水流激唔激, 就要睇吓當時係咪雨季(12月至4月)和條河o既刺激程度(越多星, 越刺激, 越好玩)。

總括嚟講, rafting係其中一種活動喺Cairns一定要玩! 值得而且真係好好玩! 你一定要試試~