南港島綫(東段)啟用後會影響邊d巴士路線?

主要係由中環開出去南區的路線
包括城巴:7,37a,37b,37x,70,70m,70p,71,71p,75,90,90b,90c,347,629,m47
新巴:43x,46x,91,94,94x,590a,m590
因為南港島綫係去金鐘,個度離中環唔遠

另外區內路線也會有大影響
包括城巴:48,95c,95p,97a,98
新巴:78,78p,91a,94a,95,95b
因為短途方面地鐵會快過巴士

而去赤柱,銅鑼灣,東區同過海的路線的影響唔大,赤柱方面,因為個度無地鐵,如果搭地鐵的話要轉車,仲麻煩過去赤柱的巴士;銅鑼灣同東區方面,因為去個度要轉車,唔及1程車方便,可能仲快過地鐵,所以個度的影響都唔大;過海方面,由於過海的話要係金鐘轉車,個度好多人,等幾架車先得,而且都係要轉車,唔方便之餘又可能慢過巴士,所以過海方面的影響輕微
其實只要巴士公司合作,推出過海巴士轉南區巴士,加埋平過地鐵,這樣即使有南港島綫(東段),巴士都唔會少客

2009-02-08 23:42:18 補充：
咁當然,轉乘惠要合適先得,由九龍去黃竹坑,香港仔,薄夫林,鴨利州......個度,係中環轉車後的總收費等於由九龍1程車去個度的收費,即係$11.1,由新界去個度的最好免費,因為過海的收費較貴,如果再收錢的話,可能乘客會因為貴而改搭地鐵,由其是新界東同荃灣一帶
而由九龍去赤柱,淺水灣及深水灣一帶的總收費係$13.6,即係973的收費,由新界去個度的最少都要減$6,因為由九龍去個度的都減$4.6($9.8+8.4-$13.6=$4.6),由新界去的應該減多d

2009-02-09 00:00:30 補充：
當然,過海的轉乘優惠點都有d影響,但而家個d過海的轉乘同新巴,城巴,港鐵的一樣,有等於無,就算優惠好左,3條過海去南區的路線都唔齊全,西隧無巴士去華貴,鴨利州而去黃竹坑的只有收$13.6的973,其實去鴨利州的唔係無,只係得架半個鐘1班,收$19的機場巴士a10,咁都應該算係有等於無;紅隧無巴士去赤柱,淺水灣,深水灣,數碼港,薄夫林,而由九龍去華富的170竟然收$13.9,仲貴過去赤柱;東隧仲嚴重,得架成4個字1班,朝早6點(假日係7點)開車,夜晚8點收車,經黃竹坑,去鴨利州的671,所以係港島北的轉乘優惠都係好重要

2009-02-09 00:04:17 補充：
九巴91於將軍澳線通車時無啦啦削班係因為垃圾運輸署搞的,佢地「話」有部份乘客會搭小巴到將軍澳轉將軍澳線往來市區,所以削班,一句到尾,都係個垃圾保鐵政策所做的「好事」

我便認為中環去赤柱既唔會冇影響，九巴91於將軍澳線通車時都無啦啦削班，唔通將軍澳線又去到清水灣嗎？

仲有，九巴既轉乘優惠便搶到地鐵客，因為轉車真係唔洗點比錢，新城既轉乘優惠減得果$0.5、$1.0，同地鐵果D轉乘優惠冇咩分別，真係有同冇都冇咩分別