我隻手好廋 點算?

我估計你並不是手無肉，而是整體脂肪含量很低吧？

另一方面，手腕個位置正常都無乜肉的 (因為該部份主要是骨和筋組成)，除非你好肥，不用太在意的。只要增肥 / 增重一點，自然會稍稍變粗了，不過點都唔會好粗的。

以我自己為例，增肌前後體重上升了 40 磅，但那位置的粗幼也沒大改變的，只稍微粗了點點。

其實要改善體型，就要整體著眼，不要太在意個別部為。同你分享一下我的的心得，因為我都係天生瘦仔，靠健身和營養增肌的：

１。做運動。當然最係效增肌的就是健身。不過你今年得 15 歲，唔需要急於健身，等 16 歲至開始吧，最好先做一些心肺機能的鍛鍊，幫自己的身體打基礎，遲下再做健身就會事半功倍。而到你開始健身之前，我係健身前就連續１年努力游水，提升了心肺功能，才開始健身的。正式開始健身時，建議先去康文處轄下的ｇｙｍ，因為價錢公道又有註場免費教練，到你掌握了基本功才去私人ｇｙｍ，例如ｐｈｙｓｉｃａｌ一類吧。

當然如果你真係好想針對性練粗隻手，現在都可以做點簡單的運動幫助，例如掌上壓都有助手臂變粗的，不過唔會好勁，只會有點肉，有點線條。都係個句：先做大帶氧運動吧，心肺功能其實更重要。

２。充足營養。這點是很明顯吧，但天生瘦的人如何提升營養吸收呢？有幾個要訣的：

－　少食多餐，即係每餐唔需要勉強食好多，但係要分多幾餐來食，例如每天加多個下午茶（三文治）同食宵夜（例如一個麵）；

－　多食蔬菜，蔬菜同水果對腸胃吸收好大幫助的。建議每日最少食一個橙或蘋果，食夠兩個更好；

－　多食碳水化合物和合蛋白質，呢量樣野都增重同增肌都非常重要。碳水化合物合提供能量，而蛋白質係製造肌欲的重要成份；

－　少食油膩，好多人都會誤會，以為瘦人要食多點脂肪。其實剛好相反，瘦人多半都係腸胃吸收力低，而大量進食脂肪會加重腸胃負擔，結果令吸收力更差！唔係叫你唔食油，不過要少食，清清地就可以了。

３。充足睡眠。呢點好多人會忽略。唔少香港人都自以為係鐵打，唔重視睡眠，甚至視睡眠為浪費時間。其實呢個係大錯得錯，一來睡眠不足會影響健康，更重要的是，睡眠不足直接影響增肌和增重的！以健身為例，一般要增肌的話，每天要睡眠８小時！

４。放鬆自己。唔少瘦人都係容易緊張，甚至帶點神經質的。所謂心廣體胖，要心情舒暢，懂得放鬆自己，才會長肉的。我自己情緒緊張的時期，真係點食點操都谷唔漲肌肉的。

５。恆心毅力。呢樣野真係無得教，卻偏偏最重要！既然你天生係瘦，要增重練大隻都絕不容易的，亦無得快，無任何捷徑，只有持之以恆，才有好成績！

詳細均衡飲食資訊可參考衛生署的<食物金字塔>：
http://2plus3.cheu.gov.hk/html/b5/index.asp?fname=index.aspx

衛生署的運動介紹：
http://www.cheu.gov.hk/b5/info/exercise_02.htm