買左兩隻新倉鼠....「杰入」

A.只要兩隻鼠唔係不育,就有生b既機會,問題係有冇必要去繁殖鼠鼠鼠鼠壽命短,所以會好努力咁繁殖,就算結果係打死對方,但都有交配既可能,只要有交配過都有懷孕既機會,當然,如果其中一隻鼠身體弱,甚至不育,會較難懷孕,而天氣凍,會令成功懷孕既機會減少

B.剛剛買係咪即係今日買鼠呢?新鼠係未習慣環境係會較易咬人,而你一籠兩鼠,強行改變天生獨居既鼠鼠,令鼠鼠受驚受壓,除左更易咬人之外,亦好易誘發疾病
鼠鼠買返唻既初時,頭兩日唔好打擾佢,再試下以下方法同鼠鼠建立關係:(耐左都同鼠鼠唔熟,都可以試下做)
a)你可以隔住個籠叫多d佢,在籠邊拎d野食引佢埋唻(主要係想有食物袋既聲音俾佢聽到),唔一定要拎零食引佢,拎主糧入面既野食都ok架啦,唔食零食會健康d.日日叫佢都有野食既話,佢好快就會記得你把聲or裝食物既袋既聲音,我覺得鼠鼠認食物袋既聲比較快.
b)等到你地熟d,做到你一行過佢就行埋唻or冇咁驚你,之後你可以試下伸隻手入籠隻俾野佢食
c)再熟d再試下俾野佢食既摸下佢頭or身
d)佢都唔抗拒之後,可將食物放在手心,等佢行上唻食,慢慢佢會習慣左你既手
e)再熟d就可以抱佢,抱既時候唔好忽然由頭or從後抱起佢,咁會令鼠鼠以為有敵人攻擊,最好慢慢叫住佢先抱佢,如果抱唔到,可以用乾淨既杯唻俾佢上去咁樣抱,抱之前記得先輕聲叫下鼠鼠先

C.點解咁想鼠鼠生BB呢?事前有冇了解過繁殖有咩問題?
鼠鼠唔多行唔多走,並唔代表乖,會咬人已經唔係乖既行為吧?好驚or生病都會令鼠鼠唔多郁,有第隻鼠同一籠,鼠鼠感到壓力都會唔敢走動
就算而家未有打交既行為,都唔代表之後唔會打,因為年幼多數冇咁重地盆心態,所以好易會出現買既時候以為冇問題,之後就打生打死,見你都有睇其他知識,應該都唔難發現有十分多既鼠問題都係同打交有關,趁而家佢地未打交既時候,最好盡快分籠,唔係打傷打死or唔舒服既話,再處理就太遲了,同時要留意多d佢地身體及排泄物有冇異常,怕佢地受驚生病

假設佢地成功生b,一胎多數係2-10隻,當佢生6隻既話,係咪真係有咁既時間,地方同金錢去照顧咁多隻鼠?鼠鼠冇家庭觀念,唔可以一家大細咁一齊生活,而兄弟姊妹亦會打交同亂倫,鼠爸鼠媽唔分籠,仲好易半年就繁殖到數十隻鼠;而生b之後,至到鼠b 21日大戒奶分籠先可以掂鼠鼠同洗籠,除左好臭之外,萬一有咩問題,鼠媽會食or唔理鼠b,咁又係咪可以接受呢d事?加上戒奶時其實同街買到既鼠差唔多大,所以唔需要自行繁殖一大埋出唻都可以買到21日大左右既鼠b

其實鼠鼠最好分籠,如果唔同性別,繁殖鼠鼠會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)就算唔打傷打死,都會感到壓力,壓力會誘發甩毛肚瀉等疾病
6)一籠唔止一鼠,仲會較惡,特別易咬人同比較難同主人熟
7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

希望你真係可以諗真d先,如果堅持繁殖,懷孕到生b要留意既事可參考以下我回答既知識:
http://hk.knowledge.yahoo.com/question?qid=7008122700809


2009-02-04 23:27:21 補充：
樓下第3位回答既網友 kennethwong2006_1既資料唔同意,希望網友唔好介意及可以留意一下:(COPY既內容互相都有矛盾既地方,希望你要COPY既時候都留意一下,始終同動物有關,一有咩問題係有機會害到人地既鼠)

1)每日放鼠出籠1-2小時我覺得太多了,玩太耐會令鼠鼠覺得好辛苦,而且留意一下會發現,鼠鼠好喜歡起身玩一陣又走去訓,好少話會不斷玩1,2個鐘咁多,放鼠出籠要留意既事及方法可參考:
http://hk.knowledge.yahoo.com/question?qid=7008031400344

2009-02-04 23:27:29 補充：
2)唔建議俾蔬果俾鼠鼠食,鼠鼠原居沙漠,本身就唔會接觸到咁多水份既植物,食蔬果易令鼠鼠有肚瀉既問題,詳細原因可參考:
http://hk.knowledge.yahoo.com/question?qid=7009011000385

3)鼠鼠唔可以日日沖涼,咁會令抵抗力下降,反而易有皮膚病,如你第2個COPY講既咁,一星期沖一次就可以了

4)水樽既水最好每天更換,除非真係有事獨留鼠在家中,間中幾日就OK,長期幾日先換水就較易令鼠鼠有肚瀉既問題

2009-02-12 00:56:22 補充：
好開心睇到你話將佢地分籠

最好留意多d鼠鼠係咪真係冇病,係冇唔舒服既話分籠後都需要時間,始終鼠鼠已經受驚,唔係話一分籠就馬上唔驚,鼠鼠受驚要留意既事可參考:
http://hk.knowledge.yahoo.com/question?qid=7008031501447

yes
養鼠之祕訣


1. 注意事項:











a. 鼠是在白天睡覺，不會被人干擾。
b. 需要在一個乾淨的籠子和有和新鮮的食物。
c. 睡覺的時候要有一個很寧靜的環境。
d. 如果主人長期不在家便要找人照顧鼠鼠。(約4日以上)
e. 每天要給鼠鼠1-2 小時籠外的活動時間，讓牠們做做運動。
f. 給鼠鼠一個大一些的籠子，這樣提供多一些的活動空間。
g. 不要放其它的寵物，否則會傷害鼠鼠。
h. 當然要有愛心啦！
　
2. 料理
1) 餵飼方面
倉鼠糧已有足夠的營養, 但倉鼠揀飲擇食, 一包糧只食三分之一, 所以不夠營養。
以下是一些提議:宜食清淡食品如新鮮蔬菜, 蘿蔔, 水果,倉鼠專用零食, 暖開水。因
為這些食物營養較高。忌吃熱氣的食物瓜子, 肉類等。瓜
子和熱氣的食物會使倉鼠脾氣暴躁。

　
2) 清潔方面
雖然倉鼠會用口水來清潔, 但並唔不夠乾淨, 所以最好日日都要沖涼一次, 會較健
康!!
---預備一個膠兜, 放隻鼠入去, 再用洗澡沙灑在背部, 注意不要灑到牠們的眼睛，
，再用擦擦下個身。注意定期幫牠們換木糠和清洗籠子!!
　
倉鼠唔可以用水沖涼，只需用涼粉。倉鼠專用的沖涼粉可以在倉鼠店買到，
每隔1至2星期可沖涼一次。籠要空氣流通，鐵籠適合夏天用，膠籠適合冬天用。
籠不要被陽光直射，每3-5日換一次木糠。水樽要檢查沒有塞，每3-5日換一次。
　

　

其實小動物有發情期,到咗發情期,一遇到其它性別嘅同類就會XXX,如果要佢哋唔係發情期期間XXX,係冇可能嘅事...一定生到嘅...
你話你剛剛買,你同隻倉鼠唔fd,佢咪咬你囉