我對完全受夠我D屋企人....

家庭及人際關係家人

Reanna

2009-02-03 2:14 am

由細個開始，大概是小學一年級開始，我媽咪就開始鼓勵我自己照顧自己。然而，到左小學四年級到，我細佬同我讀埋同一間小學。我就開始應媽既要求，照顧弟弟。如是者直至現在，我已經快十七歲。我仍然要照顧我細佬。問題係，佢禁大個人，都中二喇！佢連水都唔識煲、家事一樣都唔識做，就連裝飯，都唔識。

身為會考生既我，自然好多野要溫。我呢D年紀，已經開始要獨自面對好多野。為左照顧細佬，我幾乎所有可以去玩、休息既時間都犧牲晒。我媽不但無體諒我，只係認為，果個係你細佬，就應該照顧佢。

我媽唔體諒我，呢個都算。我好努力做所有野，希望我做既野，會得到佢既認同。但是我由細到大，從未聽過媽對我講過任何一句稱贊我既話。反而，成日鬧我，做咩野都做得唔好。我覺得我努力左禁耐，—切都係徒然。

十幾年黎，我努力左禁耐、放棄左禁多野....
係咪一切都係好無謂。

回答 (8)

用戶25693

2009-02-03 2:41 am

✔ 最佳答案

其實你唔傷心都係冇乜用,
反正你牙媽都唔會因為你唔開心而唔洗你look after 你細佬 and 你唔洗做家務

其實我都好明白你既感受,
其實如果屋企有個細佬,牙爸牙媽總係會錫細佬多D ga啦!
你可以埋怨邊個?都係傳統「男尊女卑」、「重男輕女」所害
雖然人係要認命,但我覺得呢D係唔可以容忍 ga!

Why?
你牙媽表面成日話你細佬仲細,你要look after佢等等
其實你牙媽只係害緊你細佬!
佢咩都唔洗做而你做哂,
你可以見到你細佬
「唔識煲水、家事一樣都唔識做，就連裝飯，都唔識。」甘低能。

人連呢d甘簡單既野都唔識,睇怕上科學堂連開本身燈都唔識掛???

其實我覺得家庭係你同你細佬都有份,
點解一直只有你付出, 而你細佬只係一直收穫?
真係太唔公平!我覺得你應該不平則鳴,

你必須同你牙媽溝通,
講下呢個問題,然後solve左佢
雖然大部分既牙媽都唔會睬你,
但你未做過又點知唔得呢?Try you best!

如果你牙媽真係採取甘既態度,
但我諗呢一世都唔改變,
永遠都係你做做做,做到幾努力,始終冇人體諒你,支持你
甘樣既家,還算家嗎?

如果你真係恨到極點(偏激法,最好唔好甘)

可以的話,你可以對你牙媽冷淡D,傷下佢既心,
令佢知道佢傷你有幾深,
你牙媽就會內疚,
或者會作出合理既行動..

不過,我要提提你,佢始終係佢牙媽,你又可以點呢?
一切正如你所講,係徒然的!

👍 0 👎 0

用戶86303

2009-02-07 8:02 pm

你可以同你阿爸＆阿媽一齊係到果時講你咁多年離有幾辛苦，

而你ｅ＋又要會考，冇時間照顧佢，你再話你阿媽：個仔你生

嘅，點解要我照顧佢，我十幾年黎都照顧佢，你有冇真心贊過

或者多謝過我，唔通你想為左你個仔，要我會考唔合格，你先

開心？

你應該比佢地知道你幾辛苦，同埋你可以話比佢地聽你細佬連裝飯都唔識呢ｄ野，咁佢仲有咩用。

你要努力。祝你會考成功^o^

👍 0 👎 0

queen

2009-02-04 3:44 pm

一句講晒, 你阿媽重男輕女, 無得變咖啦...! 你永遠都係做大,

而且係女, 你阿媽仲唔當你係工人咩! 要你服持埋你細佬, 你

而家仲讀緊書, 為有忍吓 ~ 等到出嚟做嘢時, 你就搬出去住,

唔好理佢, 其實你阿媽係害緊你細佬, 一個唔識獨立既人, 第

日出嚟社會, 根本企唔住, 你阿媽不斷咁種你細佬, 將來佢就

知, 你俾心機讀好D書, 專心唔好理佢哋, 搵到錢就走人, 你唔

使諗人會改, 你細佬有你阿媽撐住, 最容易既嘢, 佢都無需要

學做啦...! 由得佢做個無用既人囉 ~ 係你阿媽親手做成既! 你

無謂勞氣去諗 ~

👍 0 👎 0

Joe

2009-02-04 11:16 am

唔...問題岔開了...你用逃避, 冷戰方法處理, 未必能收效的...
一於以彼之道, 還施彼身...不過施之於細佬身上...
例如你好似你媽咪當日咁, 鼓勵你細佬"自己照顧自己"...無論語氣, 論調, 節奏都要完全似足你媽咪一樣...如此伯母才不能抽秤你...
(心理上講, 人最怕見到自己的短處, 你做一面鏡子, 完全反映她的"正常"行為...將當日她sell你那套100%搬落俾細佬度, 如果佢話你, 你回答係佢當日咁同你講嘅, 睇佢點駁...)
另外一招, 你寓家務工作於誤樂, 誘導你細佬做家務...
初初教他掛衫, 扭毛巾, 無論他做成點, 勁讚佢做得好, 比你仲叻, 公開讚他, 讓他飄飄然, 然後一點一點地讓他有虛榮感...
你見過人點訓練狗未? 一味good dog, good dog... good work, good work... well done, well done...只狗勁擺尾...到時火裏火裏去, 水裏水裏去, 你咪甩身囉...
咁當然, 有時狗仔唔聽話, 都要鬧兩句的, 不過兩句好嗱...
你要有恆心咁做, 有耐性地做, 勿輕易放棄, 若成功的話, 你細佬就一生都是你的觀音兵了...

👍 0 👎 0