怎樣可以擔保出來?

佢上完第一堂之後, 需要還押監房, 咁即係:
(1) 裁判法院唔俾佢保釋
(2) 又或者佢上第一堂時, 並無提出保釋.
如果係(1), 好大機會係控方認為俾佢擔保會妨礙警方查案, 所以反對保釋. 因此佢下次再上裁判法院時申請保釋亦唔會批. 佢只有申請高院擔保. 即係請律師去高等法院申請俾佢擔保. 如佢想咁做可請律師代辦.
如果係(2), 咁佢可在下次再上裁判法院時申請保釋, 睇吓個官批唔批.


2009-02-05 16:49:25 補充：
一般黎講, 法庭 / 警方在考慮俾唔俾疑犯保釋, 會考慮下列因素, 而唔係純以某一條罪黎決定:

1. 如該人獲淮保釋, 他會否危害公眾安全? 所以涉及暴力, 武器或軍火的案件(例如:殺人, 行劫, 藏械, 嚴重傷人及強姦等等)一般都唔會獲淮保釋.

2. 如該人獲淮保釋, 他棄保潛逃的機會多大? 如被判有罪, 佢係唔係要面對一個長刑期監禁? 所以無家人在港, 在港無固定居所 (例如:外國人, 北菇雞), 無業, 曾棄保潛逃等等的人一般都唔會獲淮保釋.

2009-02-05 16:49:46 補充：
3. 如該人獲淮保釋, 他會否騷擾証人? 所以涉及黑社會的案件一般都唔會獲淮保釋.

4. 該案是否有疑犯仍然在逃? 如該人獲淮保釋, 他會否影響警方查案及追輯在逃疑犯? 所以大單的運毒案一般都唔會獲淮保釋.

5. 批淮該人保釋, 是否會與公眾利益不乎? 呢條係最有 "彈性". 謝霆峰都係因呢個原因拋左十幾日...