✔ 最佳答案
我同你d膚質幾似, 希望我既經驗幫到你啦, 你得15歲, 皮膚既油脂分泌特別旺盛, 所以暫時做既可能只可以改善一點點, 你要多做運動, 食多d水果排毒, 唔好夜訓, 外塗的話, 推薦一隻叫特麗仙既暗瘡水, d暗瘡一起即搽, 搽密少少都唔怕, 因係醫生處方, 依家部份藥房都買到, 一百蚊樓下, 夠用幾個月.
試下自已種d蘆薈, 用佢既液體塗面, 有助消炎, 比街上買的蘆薈產品更天然及化算.
黑頭方面, 鼻貼可以清到, 但如果你唔想毛孔變大, 就要用完洗乾淨後即塗收縮水(可以放入雪櫃, 有收毛孔作用) 或者去sa sa, 卓悅買一隻膠質既潔面按摩指套, 幾十蚊到, 洗面時於黑頭地方輕力打圈, 有助推出黑頭, 比鼻貼溫和.
一星期可以做一至兩次深層清潔面膜, 但記緊唔可以做完再貼鼻貼, 或今日深層清潔完, 聽日貼鼻貼, 因皮膚需要時間修復, 唔可以過份乾淨, 咁會皮膚因缺乏油脂而自然分泌更多, 令暗瘡更惡化.
毛孔一旦大了, 很很難完全收復的, 只能以產品令佢看起來細d, 好似潔面後要拍爽膚水/收縮水以舒緩皮膚. 依家因通脹, 很多產品都貴了, 我可以建議一些產品給你, 但你要自已衡量價錢是否能負擔得起 - body shop既茶樹系列, effusais, Neo Strata(醫學品牌, 比較貴) Laneige, Sofina 等牌子都不錯, 你買之前記住要試試質地, 看是否覺得清爽先好買, 一般都會在手上試, 但因面比手更薄, 所以吸引程度有D出入, 你要自已衝量下.
最後, 日霜不一定要搽, 視乎你自已需唔需要用, 有些人覺得保養品已足夠就可以唔使搽, 好似搽左sofina既防曬咁, 佢有保濕系列, 一支可以保濕同防曬, 咁就唔使可搽日霜, 搽得多唔代表一定好, 要睇下是否適合自已, 如果搽完覺得立, 咁不如省略左佢好過.
祝美麗在望!