想問關於戰國風雲的玩法

遊戲有兩種玩法：
遊戲有兩個玩法，一係大家不斷打生打死，直至有一方可以統領全球為止，但係遊戲會玩好耐。於是你可以選擇玩 mission，每個 player 都會獲派一張 mission 卡，祇有他自己會知自己的 mission 是甚麼 (例如 (1)要統領亞洲，並要在亞洲區每個地方都有最少兩兵。 (2) 要剷除黃色的敵人 (3) ....... )，當是但有一玩家完成 mission 後，就將 mission 卡揭開，讓其他人核對，如果正確，遊戲就結束。
最初開始係輪流派牌，每人按咭牌上的地方擺兵。一場大約玩兩至三個鐘。

規定之玩法

A. 每個地方至少要有一支軍隊

B. 洲兵只可以加該洲內, 國兵只可以加該國內, 援兵同常兵可以加任何一個自己領地

C. 常兵係每round都會加, 為自己領地數目除三之整數位(不計小數), 最少為三支軍隊, 即自己領地數目除三後少於三仍能獲三支常兵

D. 援兵就越遲加越著數, 等人加晒自己先加可被累積而增加數目, 數目遞增為4, 6, 8,10,12,15, 之後每次加5!

E. 援兵之加法, 必須出三張相同公仔RISK牌或有齊人馬炮RISK牌, 如已有五張RISK牌, 即下round到你時要強迫加援兵, 否則唔可以取RISK牌!!

F. 取RISK牌之法, 只要該round內有攻佔領地就可取一張!

G. 洲兵之加法, 必須佔領全洲一round, 如下round還未失陷, 即有洲兵加, 洲兵數則因洲而異, 澳洲2, 非洲3, 北美洲5, 亞洲7, 歐洲5, 南美洲2

H. 國兵之加法, 加援兵時如有自己領地的RISK牌則可在該地額外加兩支軍隊

I. 攻骰為紅色, 有三粒, 守骰為白色, 有二粒; 如果攻兵有三支軍隊或以上則用晒三粒骰, 兩支軍隊就用兩粒骰, 一支隊就用一粒骰; 如果守兵有兩支軍隊或以上則用晒兩粒骰, 一支隊就用一粒骰

J. 攻守骰骰數之計法, 一般講最大同最大比, 第二大同第二大比, 如相同的話則守軍勝!
Example 1: 攻骰6, 4, 3; 守骰5, 3 咁樣就係攻兵殺守兵兩支軍隊
Example 2: 攻骰6, 5, 2; 守骰6, 4 咁樣就係兩方互殺一支軍隊
Exmaple 3: 攻骰5, 2, 2; 守骰5, 2 咁樣就係守兵殺攻兵兩支軍隊
Example 4: 攻骰6, 6; 守骰6 咁樣就係守兵殺攻兵兩支軍隊其中一支
Example 5: 攻骰5, 4, 4; 守骰4 咁樣就係攻兵殺埋守兵餘下一支軍隊, 亦即係攻佔成功
換句話說, 攻骰1, 1, 1的話必死兩支軍隊, 守骰6, 6的話必殺兩支軍隊
*註:炮 = 10 兵，馬 = 5 兵，人 = 1 兵。

==================================================================================

分地：
1) 鬥大骰，輪流去擺地，一開始，你有 30 兵，那 30 兵係按照你最初分派的領地咭去擺放)，每塊地最少要擺 1 個兵。 (如果 6 個人玩，每人有 7 張咭，即 7 塊地)，(3 個人玩就每人有 14 塊地)
2) 將 42 張領地咭好似派啤牌咁平均分，然後各人按領地的牌去排 30 個分。當然如果係 4 個或 5 個人玩，就會有 1 至 2 人會多一張咭，但這並不等於不公平，因為其實多左一塊領地的玩家因為多左一張咭，兵力係會分薄弱左。

跟住就開始遊戲，擲骰攻擊及防守。

最初所有玩家手上都冇牌，係要靠打贏仗去拿牌。拿牌的作用係用來加兵。

每 round 增兵
玩家每 1 round 完左都可以在第 2 round 開始前，按照你有的地去除 3 去增添。例如你有 6 塊地，你可以加 2 個兵；如果只有 5 塊，你只能加 1 兵。
所以如果你只能增兩兵，咁你就只可以擺兩隻人，而唔係擺兩隻馬/炮。

2009-02-01 10:09:28 補充：
咭換兵
你如果儲齊 3 張人/3 張馬/3 張 炮/1 人 1 馬 1 炮 才可以換兵，玩家可以選擇隨自己的喜好去換兵，即例如你儲夠 3 張相同的咭，你可以選擇即刻換或遲些再換。早換兵同遲換兵都有好處，早換兵就係在別人未增兵之前，增強自己攻力，你可以趁此把敵人盡消滅。但由卡每一個玩家換完兵，下一個就可以換更多兵，例如有一個玩家換左 10 兵，下一個玩家換兵就可以換 15 兵、再下一個就換 20 兵 ....... 最多可以換 60 兵。換言之，越遲換兵就可以換更多兵，所以你就算之前俾人打剩 1 兵，如果你咁好彩下 round 可以換到幾十兵，戰況將會完全扭轉。

2009-02-01 10:09:48 補充：
領地 bonus
如果你換的 3 張咭有其中一處係你現在佔據了的，你可以在那地額外加 2 兵。但記著領地 bonus 最多只可加 2 兵，所以假若你的 3 張咭都是你的領地 (e.g. 美國、日本、中國)，你只能選擇其中一處加那 2 兵。

2009-02-01 10:10:11 補充：
換兵：唔係求其拿 3 張咭換，而係一定要 3 張兵/3 張馬/3 張炮/1兵+1馬+1炮 先換得。如果 3 張咭內其中有一張係你的領地，那地方就可額外加多兩隻兵。如果你佔領左整個洲，你亦可以因此再獲額外加兵。

Africa 3
Australia 2
Asia 7
Europe 5
North America 5
South America 2

2009-02-01 10:10:27 補充：
綜合以上各點，假若你雄霸了歐洲 5 地，而剛剛那 round 輪到玩家換兵本身可以換 15 兵，並且你其中一張咭係歐洲一領土，咁你最多就可以加 (round + 咭 + 領地 + 洲) = 5/3 + 15 + 2 + 5 = 23 兵。

無論你打贏左幾多個地方都好，每 ROUND 只可拿一張咭。輸左，冇咭。

如果你最後消滅左一個對手，輸家手上的所有牌都會歸你所有。