副學士同埋 IVE對我既前途

1) 高級文憑與副學士學位都兼備通識教育及職業導向，即除了訓練學生的一般技能和知識外，亦會提供專業學科知識和實用技能的訓練。一般來說，高級文憑較注重專業知識，副學士學位課程則會涵蓋較多通識教育科目。學生修畢高級文憑課程後，應能掌握一般技能，及具備擔任輔助專業工作、升讀大學或專業進修所需的專門知識/技巧。
2) 請自行上各副學士院校及IVE網頁瀏覽. 不過, 各間院校會計課程唔會有大差距, 因為要申請考試豁免. 大專會計主要學語文、核數、稅務、財務會計、成本及管理會計、經濟、管理、市場學、資訊系統、法律、內地會計、財務管理、數量分析方法等.
3) 中五畢業要先讀一年副學士先修, 畢業後讀兩年副學士. 副學士先修學費由三萬(恆商)至四萬幾不等. IVE會計學高級文憑方面, 08/09學費為$26,600-$43,300, 愈高年級學費愈貴.
4) 出路都係個幾樣, 唔係讀書就係做野. 讀書可以讀本地或外國大學大學學位或者TOP-UP DEGREE, 或者上堂/自修考埋其他未豁免的考卷. 做野方面, 可以做會計文員、中小型會計師樓做audit junior、稅務、管理會計及公司秘書的職務. 不過, 有些大公司會要求degree學歷.
5)既然你係好鐘意會計, 即係應該會讀得好, 但係點解老師只係expect你考到E? 你真係有興趣, 考會考起碼有C級(差唔多65分或以上, 份卷容易就要更加高分). E級就算合格, 但個底已經唔好.
雖然大專會計與你會考所學的很多都不一樣, 但有D概念仍然有用. 讀會計亦要英文好, 香港會計準則、教參測驗及考專業試全部都係英文. 大專會計一定比你會考學過更加深, 所以諗清楚要讀上去, 還是出去做野盡早拎工作經驗, 邊做邊進修.
如果你目的係上本地大學, 兩者成功機會極低. 如果你唔係頭幾名, 或者公開試成績又唔係差少少先可以上(本身大學成績唔係太差), 升本地大學幾乎無可能.