✔ 最佳答案
其實已經睇過你之前的問題了﹐但資料不足﹐沒法回答。
以上回答者階為女性﹐所以答不出問題的重點。
遇上兩性問題﹐第一大忌。 最忌是用自己把尺去量度別人。 要分析一個男人﹐盡用女人心態﹐如何找到答案呢﹖
我用純男人的理性和事實同你講啦。
男方大你八年﹐做緊野﹐應該無三十都二到尾了﹐是嗎﹖ 而你應該是二十出頭。
一個三十歲的男人﹐從你的形容﹐他是一個口花花的人。 所以可以斷定他一定有一定的感情經驗﹐加上可能是職業上需要(靠把口)﹐加上可能也是本身性格使然。 唔可以斷定任何野﹐只可以說﹐他在面對兩性相處上﹐絕對是比你有經驗得多的一個人。
唔好理佢有無同其他人講同類說話﹐都唔好理多唔多呢種口花花男﹐全部都唔係point! 個point係﹐而家你對人有意思﹐考慮階段﹐你想知佢係咩人﹐係咪﹖
一個這個年紀的男人﹐可以把這類說話隨便說出口。 我唔答你勒﹗ 你話比我知點解丫﹖
用理性其實你都已經搵到答案0架啦。 不過因為對人有好感﹐想睇下有無轉機﹐有無萬分之一機會佢唔係你想象中果種衰男人咋嘛。
這個年紀﹐工作需要把口郎過油﹐開口埋口都講錫呀攬呀﹗ 好明顯他進出情場的經驗比你老到得多﹐錫呀攬呀這些事情對他來說是完全不會害羞﹐也不一定要同最愛的那個人先可以說/做。 你今天會不明所以﹐因你的價值觀和他的大相徑庭﹐你會珍惜自己的first kiss, 因為你仍有這個東西﹐但對一個已經是
1000th kiss
的人來說﹐你認為他還會珍惜他的吻嗎﹖ 你說不出口﹐他說得出口﹐分別就在這裡了。 但他對你如此﹐肯定他是對你有某程度上的興趣。 從男人的角度﹐不排除純是為肉體的。
一個男人其他所有的行為我不能盡為你解釋。 但是當一個男人愛上一個女人時﹐或有心長線發展﹐我肯定不會是這樣present自己的﹗﹗﹗﹗ 女人其實一樣﹐你愛(唔好講愛啦﹐就算鍾意都係)上一個人時﹐不會想把自己最好﹐最靚﹐最有修養的一面呈現在他眼前嗎﹖
他這種行為﹐有想過把最好的他自己給你看嗎﹖ 你問這些問題的同時﹐感覺是舒服的嗎﹖
別的問題我想不用回答了吧﹖﹗ 答案(結果)已經有了﹐過程還重要嗎﹖
異性相吸﹐在工作上兩性有flirting實屬太正常﹐但案件中﹐一個從事實看出對你沒有太多誠意的男人(唔好話叫你著多件衫﹐send SMS都叫做有誠意呀下﹗)他的行為似乎是在試探你會否就範多過長線和你發展。
想知道更清楚答案﹐從一個方向(他了解你幾多/付出過幾多去了解你)問自己問題便知道了……….
Ie.
他知道你的家庭背景嗎﹖
他知道你最喜愛的顏色/食物/生活習慣/禁忌嗎﹖
你對自己人生/前途的憧憬﹐你的志願﹐你的目標
等等………… 等等…………..
所有的一切如果他都從沒有給你誠意﹐今天便隨便開口說﹐錫啖啦﹐攬下啦。 對認識這麼淺的你也如此﹐其實你不用問其他人﹐自己也可以推想了。
他對別的女性﹐為何不會這樣﹖
2009-02-05 04:07:53 補充：
ayw_89 : 收到你的來信了﹐當然﹐如果他是有做別的東西讓你感受到他真是有誠意交往的話﹐咁前面的梗係另當別論啦。 但係你唔好盡用我比你呢幾個example黎做standard wor....
一個人對你有無誠意﹐係要自己感受0既。 唔好單用佢某一句說話﹐或者某一個行為就下判斷話好定唔好。
我而家比自己0既standard, 係一至兩年無間斷0既相處﹐先可以下判斷話呢個係一個好定唔好0既人。 當然係做深交啦﹐同事就唔駛花咁多心思啦﹐大家做自己野就OK啦。
