✔ 最佳答案
同一籠有冇第隻鼠?唔知便便係有幾爛呢?A.便便稀爛係肚瀉既特徵唻
唔知因咩要轉糧呢?食左5日左右就要轉糧?如果已經食開一隻糧,又冇咩問題,最好就唔好轉糧,轉糧有機會令鼠鼠腸胃不適既,如真係要轉,可以混d新同舊既食下先,慢慢再完全取代
鼠鼠去到你家食既糧已經可能同之前唔同,忽然食左5日度又轉第隻,腸胃一時之間未咁快適應到,如果而家有舊既糧,最好馬上轉返舊既
轉糧影響之外,新鼠係較易有肚瀉既問題,因為新鼠未習慣環境同人,會感到壓力,壓力易誘發肚瀉甩毛等疾病,熊1仔鼠仲係比其他品種更細膽,如果同一籠有第隻鼠or有第籠鼠太接近,問題就會更大,所以要一籠一鼠,仲要新買鼠唔好太心急同鼠鼠玩
廁所沙既問題就應該不大,擔心既話都可以抽起先
B.肚瀉既要留意以下幾點:
1)買d止瀉藥加入水度俾佢飲(Gimborn 止瀉藥OR SUPRA-CELL N700止瀉素幾好)
2)有第隻鼠一齊就要分籠,因為會傳染既,亦有機會係同第隻鼠同住,感到壓力而肚瀉,而且俾藥都要分籠先俾到
3)如同一籠有第隻鼠,亦需留意冇肚瀉既鼠鼠身體及排泄物有冇異常,仲要將佢地既用品完全分開,唔好一齊洗,都唔好掂完一隻又掂第隻鼠
4)接觸鼠鼠之前之後都洗乾淨手,自己有唔舒服既就唔好接觸or靠近鼠鼠咁多
5)保持個籠衛生
6)鼠鼠既用品同籠都要用牙膏or動物專用既消毒劑消毒
7)仔細檢查鼠鼠既食物會唔會有變壞or生虫之類既問題,有問題既話可先俾白米(生)俾鼠鼠食,再盡快買返鼠糧
8)唔好食零食之類,蔬果更加唔可以食啦.食鼠主糧,都可以俾d白麵包or麥片佢食.(好少量),其他人既食物當然都係唔好俾鼠鼠食啦,鼠鼠正常時都唔可以,好返都要戒口一段時間
9)最好可以食返舊既糧先
10)檢查水樽出水有冇問題,肚瀉飲多d水係好緊要,如果鼠鼠冇咩力去飲,就要餵鼠鼠飲水,同時將水樽放近鼠鼠
11)鼠鼠有唔舒服係會特別怕人,都唔好打擾佢咁多
12)唔好俾風直接吹到鼠鼠,要鼠鼠保持溫暖,凍天要留意既事可參考以下我回答既知識:
http://hk.knowledge.yahoo.com/question?qid=7008100902392
13)密切留意下佢既排泄物變化,留意鼠鼠尾部會唔會成日濕晒,如果濕既話整乾淨又會唔會再瀉返,長期濕就可能係好嚴重既濕尾症.而濕尾症就多數好難會好得返,好快會死.最好就盡快要睇醫生
14)肚瀉不止(2,3日左右)or瀉得嚴重,就最好去睇醫生啦.
大圍珍禽異獸及寵物醫院 DR.TIGER/DR.LAM
地址:大圍積信街75號地下 Tel: 2687 1030
http://www.taiwaiexotic.com/
基本診金$290,藥及手術另計
平d可以睇愛護動物協會,但做嚴重既話,都可能會叫你睇大圍,因為設備不足.加上醫療車冇得揀醫生
愛護動物協會診所資料:(需入會) 馬嘉妃醫生
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
診金百幾,藥及手術另計
2009-02-01 11:36:00 補充：
樓上網友lingling438544講既野有部份唔同意,而且有d危險,希望網友唔好介意及留意一下:
唔好就咁俾寶礦力俾鼠鼠飲,濃度太高,好易令鼠鼠失眠,失眠會令鼠鼠身體同情緒出現混亂,要食藥先可以快d處理得好
而鼠鼠正常情況下,千萬唔好俾鼠鼠飲,一向好怕講呢個方法,之前有鼠友冇事都貪得意or覺得飲左會好d,定係字太多睇d唔睇d,胡亂咁俾鼠鼠飲,結果就出事
2009-02-01 11:36:09 補充：
如果想俾寶礦力,就一定要加水,1份寶礦力2份水,寧願多左水都唔好咁濃,微溫,咁樣去俾鼠鼠飲,可以令鼠鼠精神d同冇咁易脫水,但有電解粉就唔好再俾寶礦力了,如網友所講既咁,電解粉係幫助鼠鼠補充體力,但就冇止瀉既功效,未睇醫生既可以買止瀉藥先,其實止瀉藥,皮膚病藥,外傷藥都係,最好買家放在家以備不時之需
之前隻加卡肚瀉係幾時既事?肚瀉會傳染,鼠鼠肚瀉一定要分籠,而同時有第隻鼠就要將鼠籠同物品消毒,可以用牙膏去洗,同時要將佢地既物品分開,洗既時候亦唔好一齊洗,掂完一隻鼠再掂第隻時都要洗乾淨手先得
而家卡加就算好返,都一樣要小心,怕熊仔鼠傳返俾佢
舊糧有問題就只好繼續食(你講LM糧?),睇醫生既話帶埋d糧去
2009-02-01 20:55:45 補充：
唔係被傳染都好d,最怕不斷將病毒傳唻傳去,咁就會更嚴重,但都記得小心唔好傳染隻加卡
就咁講難以肯定而家既便便有幾軟,如果係十分接近正常既話,可以買定藥,再密切觀察先,始終食得藥多都係唔好,正如之前既加卡睇醫生都係俾電解,可能都係希望增加鼠鼠既體力去自己對抗疾病
當然好輕微先好咁做,肚瀉始終都係可致命既疾病
止瀉藥可以去鼠店問,B1項有寫我買開既,去開既鼠店冇既話,可以去金魚街睇下(查左電話打去問左先安全D)
2009-02-01 20:56:14 補充：
真係LM...之前有朋友既鼠養親都過唔到一年,多數唔夠半歲就有腫瘤,好多隻都係咁,之後去佢屋企睇到係食LM,叫佢轉左,冇幾耐之前佢既鼠終於都過左一歲,唔知係咪同D糧有關(始終都係傳聞,唔敢亂講)
將兩隻糧混埋會比較易有肚瀉既問題,試下慢慢減少其中一隻專食一隻會好D(希望唔係已經混合左)
耳仔垂低可能係唔舒服,受驚,但訓醒or休息完都係咁
