bb五個月大開始認人

每個小朋友既情況都唔同，所以真係好難確實咁話你知係過渡期定長遠係咁。我自己就有經驗分享你知
我生左個仔既兩個月後入左奶奶到住，住到呀仔一歲九個月先搬走。我朝早番工，奶奶會湊佢，對住全日。夜晚我番屋企就會睇番，而且仲同佢一齊訓。由呀仔大約半歲開始，佢一見到我出門口，或者離開佢，佢都會喊，會唔捨得，而且亦唔多跟嫲嫲。直至而家佢就快三歲都係咁。
就連佢番學都係咁，唔肯入學校。不過最近情況好好多，可能係習慣左，亦可能佢知道放學就會見得番我，所以冇咁扭計
好在我個仔都好易氹，我離開佢之後，轉移下視線，氹下就冇事
至於第一位所講，係離開BB既時候同佢講"媽咪走，聽日再黎睇佢"，唔係唔好，不過我由入奶奶到住果日開始都係咁同呀仔講，但係講左一年幾，甚至到佢兩歲幾，佢都係咁唔捨得同我分開
講係應該要講既，不過有冇用就要睇唔同CASE喇....
而且再諗深一層，到佢上中學、甚至小學，佢就會開始唔"痴"你，既然佢而家咁鐘意"痴"住你既，你就好好咁享受下啦~

BB應該最依戀照顧他的人，認生的焦慮要到約一歲才好些，不過個個BB有差異，正如正常7個月才認生，你的BB已開始了。
要安撫他有幾種方法妳可試試。

1. 讓他吸吮
2. 聽音樂
3. 叫阿公或阿婆抱着輕輕搖動他
4. 用其他東西引他注意

哈哈...我個囡未滿月已經認人...冇人抱得佢掂...我一抱佢即收聲...激死我奶奶...嘩哈哈

呢件可能係好事又可能係壞事...
起碼佢知你係一個重要既人係佢媽咪,
好過有d連亞媽都唔要,
因為佢知道見到你一定會同佢玩會抱佢,
你每次走既時候都同佢講,
"媽咪走啦! 聽日要早起身返工呀! 你乖乖地聽公公婆婆話, 媽咪聽日再黎同你玩, byebye~"
需然佢係唔識聽, 同小朋友一定係野蠻既,
不過你唔好理, 日日都咁講, 講完就走,
喊就由得佢,
日子耐左佢就明白嫁啦~

千其唔好等佢唔覺意就走左去,
好多人都係咁,
會以為亞媽唔見左,
果d細路真係要到大個d先明咩叫走左聽日再返黎!
唔好話第二日, 一陣都唔得呀!!!