我想知道老夫子是由幾時出版

一種係王澤嘅《老夫子》（1962年出版）。渠係一套係華人地區好出名嘅漫畫。1962年王澤（原名王家禧）開始用「長子」[1]為筆名響香港出版《老夫子》。王澤嘅老夫子漫畫裏面主角有：老夫子、大番薯、秦先生、老趙、陳小姐。王澤嘅「老夫子」同「大番薯」同朋弟嘅好相似，但係，王澤畫嘅老夫子亦加入唔少佢嘅個人風格同創意。

第二種指朋弟（原名馮棣）嘅《老夫子》（1930年代出版）。係一套內地三十年代嘅著名漫畫作品，當時渠喺報章發表《老夫子》、《老白薯》等漫畫，其人物造型同埋性格同王澤嘅《老夫子》好似，王澤畀人話抄原著。

2009-01-30 21:58:25 補充：
原本嘅老夫子漫畫係喺1937年至1943年之間由朋弟原創，而且刊登喺北京、天津一帶嘅報紙上面，喺嗰啲地方好流行，亦曾經喺1940年嗰陣刊印單行本。

由1962年起，王澤[2]開始喺香港出版《老夫子》。王澤嘅老夫子漫畫裏面有呢啲主要角色：老夫子、大番薯、秦先生、老趙、陳小姐。王澤嘅「老夫子」同朋弟嘅好相似，但係，王澤畫嘅老夫子亦加入唔少佢嘅個人風格同創意。

2009-01-30 21:58:44 補充：
王澤畫嘅《老夫子》出版之後，大受歡迎，老夫子同其他啲主要角色亦成為今日華人所熟識、家傳戶曉嘅漫畫人物。

2009-01-30 21:59:11 補充：
王澤嘅老夫子漫畫裏面嘅角色有時會反映嗰陣時嘅社會近況，包括喺街上面嘅乞兒、政府高官到演員或者古代武士。有時情節會發生喺啲古怪嘅場景入面，好似遇到外國人、撞鬼、去到未來世界。

2009-01-30 21:59:24 補充：
當老夫子漫畫為讀者帶嚟幽默嘅同時，佢反映咗當時社會環境（特別喺 1960－1980年代）嘅轉變。內容有時會帶出近期嘅社會問題，好似貧富懸殊、偷嘢、黑社會等等。佢嘅漫畫有時亦會嘲諷時裝、搖滾樂呢啲嘅藝術。（有時係漫畫入面嘅老夫子會「教訓」個啲著得「不倫不類」嘅人。）

2009-01-30 21:59:55 補充：
喺一啲罕見嘅情況下，老夫子漫畫會好嚴肅咁表達對 1960 －1980年代間香港喺政治上嘅轉變同埋意見，佢亦都會批評喺思想上過度親西方嘅中國人。而喺1984年簽署嘅中英聯合聲明亦都成為其中一個主題。由80年代尾至90年代初更加有部份漫畫角色喺漫畫中表現出對九七回歸嘅恐懼。有部分結尾內容更加直接或者間接抨擊中國政府。

2009-01-30 22:00:28 補充：
老夫子漫畫曾經拍做廣東話同國語嘅卡通電影，其中一部更加用埋電腦繪圖技術，同真實嘅演員一齊「演出」。
有好多香港出名嘅明星都有參與：
演員：雪妮、高魯泉、沈殿霞、矮冬瓜、紅薇、陳寶珠、薛家燕、西瓜刨、朱由高、羅蘭、李菁、劉陸華、芬妮、謝霆鋒、張柏芝
配音演員：曾志偉、杜汶澤、余宜發、利嘉兒、楊天經

2009-01-30 22:01:05 補充：
老夫子電影一覽
老夫子 黑白片（1965年8月3號）
老夫子 同大番薯 黑白片（1965年5月10號）
老夫子三救傻瓜明 黑白片（1966年7月13號）
老夫子（1975年3月8號）
我係老夫子（1976年10月2號）
老夫子奇趣歷險（1978年11月18號）
七彩卡通老夫子 卡通（1981年7月16號）
老夫子《水虎傳》 卡通（1982年7月10號）
山T老夫子 卡通（1983年8月4號）
老夫子2001（2001年4月5號）
老夫子：反斗偵探 卡通（2003年12月20號）
無敵老夫子新傳：少林偵探社（2005年）
老夫子---魔界歷險記-分一至二輯（21世紀）

老夫子以有45年啦,由1964年開始

每個月的一號及十五號

《老夫子》於1963年出版，
原作者是王家禧 ( 筆名「王澤」，讀者通常稱呼他為「大王澤」)；
而現任作者王澤則是王家禧的兒子，
又稱為「小王澤」，
其實他的年紀也不小了，
一套60年代的作品，
到了21世紀，
仍可於書報攤見到。



今天《老夫子》的作者王家禧已定居美國，
其長子王澤接過老父的畫筆，
延續「老夫子」風趣幽默的人生。



我是一名老夫子迷,
家中的書櫃整齊地排著一系列的老夫子，
現在市面上購買得到的是精選系列，
今期是110期，
標題是：情話綿綿

老夫子逢每個月的一號及十五號出版.

唉！又是照搬維基的資料，可否自否找資料？