買唔買bb車好?

我會首先睇下有冇閒錢同有冇足夠既空間去放架BB車
有閒錢又有位放既，可以揀一間輕便D，又方便摺合既BB車。出街果時用BB車之餘都帶定揹帶係身，真係遇到唔用得BB車既就摺埋架車揹住BB。若果係同大仔番學既話，你可以教大仔一齊推車，咁咪可以推住BB車送佢番學囉
但係若果又冇閒錢或者又冇位放既，咁就可以睇下有冇二手既車，平平地買黎試下先，試得岩既咪繼續用囉，唔岩既賣番出去都唔會蝕得多

如果你阿b唔係肥b咪唔好用住 我個b都8個月先用bb車 我都買左架輕同埋可以單手收車開車 自己1個出街可唔可以單手收車開車係個point 我都係自己出街多 因為有時你要1手抱住bb1手收車.. 如果唔可以單手做晒呢d動作你有超多地方唔去得..只可以搭mtr同火車 有d mtr係冇升降機直上地面.. 要行樓梯 唔係下下有人幫你呢..都係靠自己好... 仲有到時可以買架細架d 初生bbd手推車多數闊.. 要窄既多數得combi 3千up 有好多商場條電梯係超窄.. 架車大少少都過唔到 到時又係要收車先搭到電梯... bb車遲早要買.. 第時bb大左你想咩佢出街都咩唔到..冬天衫多bb直情入唔到揹帶 不過要睇下現時環境係咪需要咁早買...

2009-02-01 02:59:05 補充：
介紹你買combi $1500 有好多隻色 張椅背右邊角有個公仔 好易認 我都係用緊佢...[唔記得型號] 佢可以單手開車 收車都得 架車收車係兩摺.. 第1摺埋架車 果度個制已經lock住左唔會彈返開架車 有條帶到時可以上博... 第2摺係俾你平時收晒架車 架車會冇咁霸位同埋可以企係度 架車得5kg重 算係輕 我試過單手抱住阿b 單手收車行樓梯落mtr,,, 都ok 我自己算係好細粒果d.. bb而家都1歲 架車唔錯嫁

我都买了，买了好方便，不用多少钱的。去大陆买吧。

揹帶承重力有限，一般超過12公斤就不可以使用。

建議你可以上環保署及好媽媽網站的二手買賣區，果度有很多
人售賣二手BB車，如果睇唔岩，亦可以登廣告徵求，
費用全免。

有bb車當然會方便d啦.
你有無朋友都係生左bb架..可以問下佢地丫.
又或者你真係買左個bb車..到無用時, 可以送俾d有需要的bb都唔錯架.