點解要出咁多相機?

1.其實新出的相機功能也是有小小改進的,例如加入更多的自動功能,更高的像素,高清短片等.另一方面也是一個商業考慮,消費者要購買相機,通常都會選最新型號,如果沒有新型號,就會失去競爭力.
2.這其實也是商業考慮,即使500萬像已經很足夠,但到今時今日依然有消費者認為像素多等於高畫質.要這些人掏腰包購買你的相機,你相機的像素就不能小.而事實上像素多確在大呎吋輸出上有作用,用不用得着是另一回事.
3.機仔和單鏡機的分別
影像層次比較
DC層次也不弱,只是味精太重,色彩太濃,反差太強,一望就知係數碼機影
DSLR層次相對較好,顏色睇到有深有淺,亮度有光有暗,唔會變晒一達,望上去較自然,執相空間較大,可以加到好重味精又得
景深不同
DC感光完件細,除咗影微距,好難影到前清後矇的效果,所以好多買咗DC既人成日問點影淺景深.DSLR景深比DC淺得多,容易做到前清後矇效果,要前清後清又可以縮光圈影,雖然冇DC咁方便,但彈性較大.
配件應用
DC配件雖然也不小,但和DSLR仍有段距離
DSLR就多好多,例如不同焦距的鏡頭,閃光燈等,有啲相冇呢啲配件係影唔到的
相機的反應
DC的對焦速度及快門時滯較差,對一些動態題材較弱
DSLR對焦快,快門時滯短,較容補祝一瞬間事物
高iso訊噪比較
DC絶對唔係DSLR嗰皮,DSLR的iso 400,甚至iso 800,雜訊大約只等於DC的iso 100左右,對於一些低光題材,DC往往朿手無策,DSLR就可以用較高感光度去刻服,雖然越來越多DC標榜自己有幾高iso,但雜訊多到嚇死人,只可以算是噱頭.
所以如果你淨係比較兩張sample相,可能會覺得差唔多,例如環境光線好理想,大家都用低iso影,又或者係一啲靜態題材,DC可以慢慢對焦咁其實DC啲相都可以好靚的.
DSLR除咗影像質素外,最重要係對瞬間的把握能力,有啲題除咗分靚唔靚之外,仲分影到定影唔到.
4.其實像素不是決定畫質的唯一因素,一部500像素的DSLR畫質絶對會比1000萬像素的DC好.但如果一部DC像素只有500萬,咁佢應該係好舊型號,可能冇28mm焦距,冇光學防震等功能.
5.鏡頭凸出的叫沉筒式設計,鏡片設計較讓光鏡直達感光完件,理論上有較好畫質.
不過缺點就係要凸出來.好多消費者就唔鐘意,佢地要真正既卡片機,所以就發展出唔駛出來既潛望式鏡頭,其實呢類設計個鏡頭一樣要有一定厚度要可以影到相的,不過就變咗打橫放在相機內,再用一塊稜鏡改變光線的路向.沒錯鏡頭是不用凸出了.但鏡片細了而且多咗塊稜鏡,光學質素理論上是較差的.


2009-01-28 15:48:46 補充：
像素高等於清這個理解是有小小錯誤的.這應該要跟列印的呎吋一起考慮才有意義.
一般人晒相多是4R等細小呎吋.
即使業界最高標準也只是350 dpi(通常印刷較嚴謹的雜誌會採用).街外晒相只會用300 DPI的(即每吋有300點).列印4R相片只需1800 x 1200,即是216萬像素.扣除相機感光完件比例的不同.3百萬像素已經有多.再增加像素印相機都出唔到.所以晒4R的話500像素是不必要的.

2009-01-28 21:57:55 補充：
其實鏡頭凸不凸出跟手震郤沒有太大關係.這多是由於鏡頭不凸出的相機多是卡片形設計.機身太薄較容易握持不隠.如果鏡頭凸出的機種也是卡片形設計,手震的影響應是差不多的.
完全不手震是不可能的,人不是機器,多多小小有一點郁動.如果快門慢,多在室內燈光或夜景時.那一點點的震動也會讓照片模糊.如果大白天光線充足,快門速度夠快,即使有一點手震,影響也只會很微.

2009-01-28 21:58:10 補充：
要減低手震最好當然是用腳架,不方便用腳架的情況就要多注意持機姿勢,手肋不要離開身體,盡量找物件借力.必要時開高一點iso,雖然會增加雜訊但總比模糊好.
另外盡量唔好用長焦距,即係zoom遠,越長焦距越受手震影響.

你的問題有意思!
1. 這現象不單發生在相機市場,大部分消費者產品市場,尤其是電子產品市場,如電腦,手提電話,電視, 按摩機,都是如此. 原因一方面是因為市場競爭激烈: 廠商不得不趕快將新發明搶先於競爭對手發售,於是每有小發明即推出市場.另一方面是社會太富庶,香港有錢的人太有錢了,所以廠商只要宣傳手法得宜,要他們洗錢(甚至浪費)根本不難.因此造成一般科技產品銷售周期減短,不少可用的產品被人遺棄,增加了不少廢物.
2. 像素應該是會更清的,而追求可以是會永無止境. 但問題在於你對相機的需要.例如現時所謂的「高清電視」,畫面質素一定比傳統電視好,但就代表電視節目一定比以前精彩嗎? 一定更有娛樂性,更有內涵嗎?
3. 機仔和單鏡相機一定有分別,各有所長,視乎各人有不同需要. 簡單地說單鏡相機的功能,相片質素和操作都比機仔好,但就比較貴和笨重,也比較需要打理和保用.機仔方便易携,粗用易用.
4. 我通常建議要print 4R相的至少要500萬像,如果只是網上/電腦分享,則可以更低. 其實如果不是甚麼專業(或扮專業)攝影,或沒有特殊攝影要求(如水中攝影,偷影,影BB等),一般機仔也足夠.
5. 凸不凸出其實光學原理也一樣,只是鏡片和光線通道的設計不同.
我覺得香港是一個多采多姿的社會,同時也令人容易迷失. 拍攝的原意是甚麼? 如果攝影是一種平面藝術,它應該可以像畫畫一樣,利用不同的工具,簡單如鉛筆,昂貴如鋼筆,都能將心中的感情抒發出來.
只是香港社會的步伐太快,太著重效率了.在攝影世界裡,找一件好工具,似乎比創作更值得花心思…