到底做年宵係我比人強制減人工定係我自己on9比人呃????

話說小弟近排搵到份做年宵賣野食既PT

份工係住係我樓上個呀e介紹我去做的,ps:大家樓上樓下識好多年,同我媽都ok fd~

佢就介紹我去做年宵賣野食,話出糧果時同老細講,係佢帶我去做既~就可以有45蚊一個鍾,返工放工簽低個名就ok

ok~45蚊我咪做囉,反正仲係熟人介紹

反e份工~真係好q辛苦,野又多野做,1日做10-12個鍾頭以上先得1餐食,仲要冇得選擇食咩飯,佢比咩飯你就要食咩飯

e+香港經濟唔好又難搵野做 好~我就同你辛辛苦苦做埋果幾日佢

老細對伙計衰唔在講,仲要有兩個,兩個意見成日唔同,成日格硬將d人掉黎掉去

d人本來做熟左1個位,無啦啦又掉人去第2d位,搞到咩都唔識做,比老細見到又係比佢吊 慘~

賣d野明明定好左個價格,又無啦啦同人每樣野+5蚊

d野食又唔係冇人賣,賣到我手軟仲要

就好似我賣炒魷魚個位咁,本來20蚊一碟(個碟勁細)

心諗 比多兩條人比囉 又咁貴,點知比個老細見到又話我比得多又點,(ps:我跟本唔係比一碟裝滿既比人,我只係
裝到岩岩好一碟咁上下唔多唔少既份量)

ok~d人話可能租貴~好~我咪比少d囉,不過有唔少客話我比得好少~_~

做做下~佢走過黎話加到25蚊一碟,我咪照做囉

跟住唔洗講,d客過黎問過幾多錢之後一係就唔買,一係買完比左佢地之後又話太少......總之受唔少氣(ps:因為有d客
仲要好串= =)

過多兩日佢又話要升到30蚊一碟,份量一樣...冇計點都要做= =

到最年三十果晚

有d人明明編好哂更表

例:早更:9:00am-9:00pm

佢夠膽死迫人做到第二日年初一7點先比人走+埋應該有22個鍾= =

另一邊賣魚旦果個女仔....人仔細細..明明做12個鍾,老細都仲要佢做左19個中+,見佢做到想喊想喊咁.....

辛辛苦苦做完年三十果晚~一直做到年初一7點幾,做到成個人冇哂氣死下死下咁.....

就到個老板娘出糧

見佢計我30蚊一個鍾.....

我即刻話

我:呀xx姐帶我黎個wo,佢話45蚊一個鍾ga

老板娘葉太:你幾多歲?

我:19

葉太:你未夠21歲一定要30蚊個鍾

我:唔係wo,xx姐係話一定係45一個鍾ga,唔係30呀......

葉太:你唔好再同我講佢果d野喇下~總之我話咁多就咁多!

..............................

冇野好講,我都做到冇哂氣同佢再理論,加上年初一我唔想同人嘈大交...唔想搞太多事...

(ps:介紹我黎做果個呀e佢年29就冇做,因為佢要返大陸過年,所以佢唔係度我搵唔到佢同老板娘理論)

e+為有等初3之後佢返黎同佢講返,問下佢同老板娘追唔追得返我45蚊個鍾/____\

因為佢係係果間公司做開

唉~最後為有拎左錢走人萛,野都唔同佢搬埋上車(計左30蚊一個鍾)

e+諗返起真係好火...新年流流我真係唔想爆粗吊人...

唉~真係好想拎返個公道....

不過又或者係我自己on9啦....比人搵笨...總之以後我都唔會再做埋呢d工...