✔ 最佳答案
棍波車起步本來就要俾多D油,如果用2波起步,就要俾更多油,否則會好易死火,3波就更不用說﹗我個人揸左右3年棍波車,就未試過用2波開車。
通常要減慢車速,就會由較高的波段轉至較低的波段。例如︰塞車、泊車。
泊車都係用1波或者R波,如果用2波會好容易死火。如果用2波,你要俾多D油,車速會太快,難以泊位。
2009-01-29 03:38:09 補充:
起步時用1波,第一下俾油要俾多D,慢慢放極力子,就唔會咁易死火。
另外斜坡起步,最安全係先拉hand brake,再放。但如果你有信心就唔拉hand brake都可以,不過記住起步要比正常俾多D油。
是否需要拉hand brake亦要睇架車本身﹗
我揸Mini CooperS的時候,斜路起步就一定拉hand brake。原因係架車本身重,而且極力子比較重,起步本身又要俾油較多,如果斜坡起步唔拉hand brake會好易死火。
後來我揸Subaru WRX時,斜坡開車就好少拉hand brake,除非個斜坡好斜喇﹗