HDMI & 色差端子 之分別 !!! 15分 !!!

雖然兩樣在規格上都出到1080p.不過色差係模擬傳送而HDMI係數碼傳送.
模擬傳送較容易受干擾,數碼會自己更正翻,所以理論上數碼較好.
另外如果訊號本身就係數碼,而顯示器又係數碼的話.例如數碼廣播或者藍光碟接駁到LCD電視,用模擬傳送的話便首先要將數碼轉模擬,傳送之後又要將模擬轉翻數碼才可以顯示.太多的轉換有機會做成失真,但用數碼傳送的話就可以直接傳送.
其他方面,HDMI除咗傳送畫面之外,仲可以傳送聲音,特別係高清音效例如Dolby True HD或者DTS Master audio等更一定要經HDMI才可以傳送.色差則只可以傳送畫面.
仲有就係雖然色差規格上可以傳送1080p,但有一些器材會限制咗色差只可以傳送1080i.