醫生如何搶救無心跳病人?

醫生當時係用緊 Defibrillation or (Defib)， 心臟去纖維性顫動法(簡稱去顫法)去搶救病者。而嗰部機通常會叫 Defibrillator，係一部可以喺極短時間內發放出強大電流去電擊心臟嘅醫療儀器。
要明白點解要向心臟停頓的病者進行電擊，就先要明白心臟的機械功能，同埋心臟的傳導系統。若果你有睇過心臟嘅構造，你就應該會明白，其實心臟肌肉本身係有節奏咁舒張同收縮，就好似一個泵咁，日夜不停咁為個人生存而工作，而心臟之所以能夠有節奏和有韻律咁舒張和收縮，就全賴心臟裡頭有一些特別的心肌，呢啲心肌嘅作用係發放電流訊號去刺激心臟肌肉收縮 and 傳送訊息到心臟每一角落，從而協調每一次收縮的跳動，控制速度和節奏，以應付個人體內外不同的需要。
冠狀動脈收窄或栓塞所引起的突發性心臟病、窒息、觸電、遇溺、嚴重失血、休克、濫用藥物、體溫過低等等，當心臟受到呢啲內在或外來因素的影響，心跳速度，節奏和傳導會變得紊亂和不正常，甚至停頓，而以心室所產生的節律紊亂最為最為嚴重，最終可以引致病人死亡。
心臟去纖維性顫動法(去顫法)，就係要趁心肌未壞死之前，喺極短時間內發放出大量電流經過心臟，將完全失去協調而各自收縮的心肌暫時停止活動，使到心臟能夠有機會自我回復協調的跳動。換句話講，當強大電流終止心臟所有不規則不協調的活動時，可以讓心臟本身能夠自我正常化，而非以電流本身去引發病人正常心跳。所以，當病人心肌已經完全壞死嘅時候，去顫法係唔會對病人起到作用的。
由於 Defibrillator 所產生嘅強大電流，係可以引致到身邊進行急救嘅醫護人員觸電受傷，所以當每次要為病人進行電擊之前，必須要確保參與急救嘅醫護人員或其他人等要完全離開病人身体，沒有任何身体接觸，操作者才可以按動電擊掣發放電流。
就因為咁，所以當要為病人進行電擊之前，負責使用 Defibrillator 的醫生，總會喺電擊病人之前就會叫"clear"，提示其他醫護人員必須要離開病人不再接觸病人，當証實安全時，先至會按電擊掣去電擊病人。

2009-01-26 04:47:39 補充：
假如你想對去顫法有更多的認識，我建議你不妨到聖約翰救護機構 or 紅十字會報名參加自動體外心臟去纖維性顫動法課程，你就會明白去顫法嘅基本原理。

學習急救 and AED 課程，助已助人！

002答得超好
我冇咩要補充
簡單總結下
兼講少少題外話

簡單D講心係本身識自己跳既
佢係通過一D細胞放電刺激心既肌肉有規率咁收縮
但係有時電流放到鬼五馬六（纖顫）
個心跳得唔正常就會冇脈搏
冇脈膊即係大家所知既心臟病發

去纖顫機係通過電流
將唔正常既心跳完全打沉
搏個心識自己跳番好既方法
但係唔可以剩係用機
落手落腳搓（心外壓，心肺復甦CPR既工序之一）
搓得好先係救心既最重要工序

好似電視劇咁
心跳（正確講係心電圖）得條電線
「嘟—」聲長響個陣係唔電得
因為佢已經沉晒再電都冇用
只可以繼續搓或者打藥
搓到有D可以電既心電反應出黎
或者個病人有番脈膊為止

2009-01-26 17:55:23 補充：
至於你所知既CLEAR
係因為人體係導體
電既人驚電到病人以外既人包括自己
就要嗌CLEAR
除左叫同睇其他人鬆開晒個病人同病人張床之外
自己個身體亦都要離開個病人
如果電到既話就真係可能心跳停止
原理同觸電係一樣

通常醫院入面會係一邊搓一邊打藥一邊電
搓係最基本最簡單但係最重要既
其次係電跟住係藥
所以實際上係會交替咁進行

通常睇電視劇都會知
佢地電（CLEAR）之前都會嗌一D數字
比如係200或者360
依D係電人既電流能量單位（J）

以前電人係100-200-360咁去
不過而家既規定就一概都係360（單相電流機）
新式既雙相電流機就係全部都係200
電到病人既心電已經變左唔電得
或者有效果為止

2009-01-26 17:55:50 補充：
因為一般醫院用既去顫機
要自己睇個心電黎分析係唔係要電
又要自己較能量黎電
其實係需要一定既專業技能操作
加上佢地一般都有番成部電腦主機咁大部
唔係好多地方會有亦唔適合普通人用

但係因為心臟病發黎講
如果越早發現心電係電得既
越快電後果就越好
所以有人開始開發將D機普
要價錢平同普通人都識用
就產生左自動救心機即係AED依樣野

AED會自己分析個心電圖係電得定唔電得
內置電既電量亦係固定唔駛較
如果佢話電得你按個制佢就電到個病人
唔電得就度脈膊有就唔駛搓冇就繼續搓

2009-01-26 17:55:56 補充：
因為AED只要受過簡單訓練就識用
香港好多大商場都會有
佢地會派D職員學左搓人（心肺復甦CPR）同用AED
亦有報紙報過有商場既職員用依D機救過人
早個排個醫生響面包舖度救左個跟車
就係用AED機

因為AED佢平（兩萬蚊部左右）
而且只要簡單受訓就識用
所以佢既普及對及早救到心臟病發既人有好處
學識用AED同心肺復甦CPR就可以有機會幫到人

就算唔識用AED
學識心肺復甦CPR
其實都已經可以將心臟病發既人既死亡率減半
係非常有意義既

你講果個野係心臟起搏器...係用電流黎電返郁人個心

令佢再跳返再輸送d血令個人醒返

你話d醫生係電視會講果句野...係叫身邊d人行開dd..

因為有電流就有磁場...好易影響到其他人...

所以叫身邊d人行開小小..

希望幫到你