✔ 最佳答案
現時求診精神科門診排期嘅香港居民，若果係携同醫生轉介信到精神科門診部嘅，通常都需要排大約三至四個月或以上......甚至可能需要等更長嘅時間。(需視乎門診部護士和門診醫生嘅評估而定)
除非病人係有經過專業認可嘅精神科評估，需要獲得優先治療，又或者病人本身係經由精神科病房出院轉介嘅個案，咁通常排期會大約一個月內。
所以，若經濟能力許可嘅話，我建議病人應該先揾香港嘅私人執業嘅精神科醫生覆住診先。若果唔係嘅話，病人亦可以向一啲專門協助精神病者嘅機構尋求協助(例如：社會福利署嘅臨床心理服務、香港心理衛生會......)。
不過，若病人精神狀況日漸轉差，甚至有自殺、傷害自己或家人朋友嘅意圖，又或者精神狀況已經影響到病人嘅日常生活，影響到病人身体本身，就應該要考慮帶病人到就近公立醫院急症室求診，急症室醫生會因應病人嘅實際情況，安排精神科醫生作即時評估，又或者安排病人入住精神科病房觀察，並作緊急治療。
2009-01-25 19:00:23 補充：
為免延誤病情，應當儘快尋求協助。
2009-01-27 03:00:03 補充：
通常門診部護士或職員會先查閱轉介信的內容，負責查閱轉介信嘅護士或職員都係門診部裡面較為有經驗的，佢地會根據繕寫轉介信嘅醫生所寫嘅內容，再按當時病人嘅實際情況去安排覆診時間。
即使負責繕寫轉介信比你嘅醫生，擁有執業精神科專科資格，甚至寫明有 Schizophrenia 又或者其他相關病況，佢地都係會以先前所提及嘅評估機制，先去評估你嘅情況，然後根據你嘅情況去安排 覆診時間。
2009-01-27 03:08:39 補充：
除非，轉介信嘅內容有詳細列出強烈理據，並提及你嘅精神狀況日漸轉差，甚至開始有自殺、傷害自己或家人朋友嘅意圖，又或者精神狀況已經影響到病人嘅日常生活，影響到病人身体本身，需要儘快安排精神科醫生對你作出評估嘅，咁就可能會喺排期上會對你作優先處理。
當然，為免延誤你嘅病情，而繕寫轉介信嘅醫生經過佢診斷之後，認為你有急切需要，要儘快由精神科醫生跟進你嘅情況，你嘅醫生亦都可以寫轉介信比你到就近公立醫院急症室求診，急症室醫生會因應你嘅實際情況，安排精神科醫生作即時會面評估，又或者安排你入住精神科病房觀察，並作緊急治療。
2009-01-28 04:14:44 補充：
不論係老人精神科、成人精神科、物質濫用、思覺失調、又或者兒童精神科又好，門診部嘅 staff 都同樣係按你實際嘅情況去安排覆診時間，佢地會反而係著重於你病情嘅急切性，而並不是轉介信內容指明你需要由那一專科跟進。最重要嘅係你嘅病情是否需要由門診醫生作緊急跟進。
2009-01-28 04:15:04 補充：
雖然精神科部門裡頭嘅醫生，都會有詳細分工，每一位醫生會專門負責某一類個案，但通常就算轉介信列明你需要去睇 child psychiatry，門診部 staff 亦未必會即時幫你排期見專門負責 child psy. 嘅醫生。因為繕寫轉介信嘅醫生所寫嘅內容都係屬於 suggestion，你仍然係先要見到門診部嘅醫生，經門診部嘅醫生作初步評估，然後至會決定是否需要再由專門負責 child psy. 嘅醫生去跟進你。
所以，就算轉介信寫明你 to: psychiatry / child psychiatry，門診部 staff 會先著重於你病情嘅急切性，然後決定你排期嘅優先次序。
2009-01-28 04:19:36 補充：
都係嗰句，假如精神狀況轉差，幻覺情況比先前嚴重嘅話，就應該要考慮是否儘快尋求協助，到就近公立醫院急症室求診。
2009-02-10 23:05:36 補充：
有鑑於報章報導，最近公佈威爾斯醫院精神科門診部新症輪候排期需要等長達超過一年或以上。
我再作出以下回應，每個排期個案係經護理人員作評估，假如情況評定為非緊急類別，就會有如報導所述的情況。
所以，假如求診者精神狀況轉差，幻覺情況比先前嚴重，有自殺或傷害他人的傾向，就應該要考慮是否儘快尋求協助，到就近公立醫院急症室求診。
