✔ 最佳答案
朋友你好!!
看完你所寫既野,我相信呢一刻既你真係心煩意亂。
對於你既事件,可以將佢分為兩個問題來解答!
1.情感的網友 2.家庭
首先:講下第一個問題---(情感的網友)
其實果位網友對你係真定係假,冇人會知道,只有佢自己先知。
故物論佢對你真又好假又好,我想問你既係:你內心希望同佢繼續來往嗎?
若然你真係想繼續同佢發展落去既,假如有一日,你發現佢對你係假既,你有冇諗過你會有咩感受?
而果種感受你到時又能否承受得起呢?(因為做任何事之前都應為自己作一個最壞既打算)
當然,或者佢對你真係認真既。
所以,係呢個(情感的網友)問題上,你因否繼續同佢發展落去或是行人止步,就睇你願唔願意去冒呢個風險
了。
(2.家庭):根住再講下你呢段感情對你家庭會有D問影響。
其實對你同你先生來講,你地係唔係會離婚,相信都唔多介意。
但我相信對你阿女來說就一定會有幾大影響。因為冇仔女會希望自己生活係一個單親家庭入邊。
至於你話你女兒好似冇咩所謂咁,只要你開心就得了。我相信佢都只係無可奈何先至會咁講,
即使佢唔想你地離婚,但當佢見到自己既媽咪成日唔開心,你話佢可以點啦??如果你係你個女,你看見自己
既父母搞成咁,會有咩感受(試下將心比自諗下)。佢話希望你開心就得,可見佢係一個好生性既女。
其實一個女仔(即你個女..17歲)仍然未有獨立既能力,係呢一刻佢仍然需要係一個健康家庭內成長,
俾佢感受溫暖。如果呢一刻,你同你先生離婚,相信你個女會好hurt。當佢覺得到自己冇晒家庭溫暖後,
可能會因此而自暴自棄,容易被一d損友入侵佢,走上一條錯誤之路。因為好多青少年行差搭錯都係因為
佢地得唔到家庭溫暖。唔知你個女依嫁讀緊書還是工作緊,如果佢仲讀緊書既,希望你等佢讀完書先至
諗離婚同埋發展新一段感情。其實我相信你個女都唔多希望自己既阿媽同第二個男人有親密關係,因為
每個仔女都只會希望自己既父母將感情投放於對方身上,係佢地既心入邊,係好難有空間去容納第三人
。
最後,講下我對你既觀感啦。
其實我覺得你並唔係太在意自己可否有一段新既感情或婚姻,你只係希望可以有一個男人來安撫你空虛
既心靈,填補你既孤寂。其實你並沒有錯,唔好怪自己,因為你並唔係紅杏出牆,你只係因為你既先生
對你唔好,而令到你想有別人來安慰自己。如果你先生繼續對你極差,而令你去到一個忍無可忍既地步
,如果你有經濟能力的話,我建議你可以搬出去住。若然你冇能力既話,你都可以揾社工幫忙,佢地會
盡量幫你解決問題。最後,希望你做任何決定之前,多為你個女諗下啦。人的生存並不只為自己而活,
仲要顧埋身邊既人,尤其係你至親既人。
我係一個21既男仔,基本上可以話由13歲就已經生活係一個單親既家庭入邊,同阿媽相依為命,
希望你個女唔會好似我咁啦。但願佢生活得快快樂樂!同時也希望你明天會更好啦!!
如果仲有咩問題,或困擾可以隨時揾我傾,我十分樂意聆聽。
MSN:
[email protected]
E-mail:
[email protected]