解夢 - 發夢見到鬼。

我琴晚發左一個好恐怖既夢。

希望識得解夢既人可以話比我知係咩意思。

個夢一開頭就講我同一個男仔拍拖（現實生活中我完全唔識，亦未見過依個男仔），佢送我去同屋企人食飯。我見到我媽咪佢好唔開心，所以食完飯番到屋企之後我就問佢發生咩事，佢成對眼都係眼淚，佢同我講屋企有鬼。之後佢又話隻鬼暫時被封印住所以出唔到黎搞我地，不過如果隻鬼醒左既話就會不堪設想。我聽完之後好驚，就同我阿爸講不如搬屋，但係我求左佢好耐都唔肯搬。我阿爸叫我快ｄ去沖梁訓覺。點知我沖完梁番房之後，我阿爸同我阿公坐左係我間房到，佢地搬開左我個衣櫃。衣櫃後面竟然有一個井咁既野。我阿爸同我阿公話要幫佢招魂。佢地仲話，只要聽到兩聲火車聲之後隻鬼就會出黎。我好驚，驚到係咁搵ｄ被遮住自己。之後我真係聽到兩聲火車聲。我好驚，係咁一路望住個井好驚真係會有鬼，之後隻鬼差唔多出現既時候我就嚇到死個人醒左。


我想知道咁樣有冇咩特別意思。

唔好同我講係我睇得鬼片多，又或許日有所思夜有所夢。因為我冇都唔係。

THANKS。