被舊情人利用?佢同我「搶朋友」? 點算好.做人好辛苦

你今日0既唔開心﹐純粹係出於自己﹐唔關任何一個人0既事。 同你解釋事情之前﹐有幾個point, 希望你以後待人處事好好記住﹐就唔會有呢D自制出黎0既煩惱勒﹗
1)朋友﹐甚至情人﹐或者老婆都係無得比人搶走0既。 我0地係人﹐唔係一件死物﹐每個人都有自己0既思想﹐用現代或宗教都可解釋為這是我們的 “Free Will”! 一個人選擇和甚麼人交朋友絕對有自己的人身自由。 識左你先只是時間/緣份上的安排﹐無話同左你做朋友就唔可以同你識0既其他人friend 0既。 只要你是一個值得交的朋友﹐就算因為schedule的安排下﹐他們比較多相處時間﹐你亦不會如你口中的”失去這些朋友”!
2)人生遇到不如意﹐第一件事不是要問人地做咩要咁做﹗ 第一要問的是自己有咩做得唔夠好﹗
3)人地所有人(資料顯示你比較在意你ex如何看你)點睇你係人地0既自由。 你要有心理準備﹐響HK咁細0既社會﹐有1000個人識你﹐就一定會有1000個唔好0既評語加諸在你身上。你個個都要理﹐你0既人生將會好唔得閒﹐亦都無咁0既必要。 重頭到尾﹐做人要面對0既唔係閒言閒語﹐或人地的睇法﹐而係自己0既良心﹗﹗ 重點係﹐我地每個人﹐只要係人都有優/缺點0既﹗ 你了唔了解自己﹐知道自己的長短處響邊﹖ 有無行動出黎﹐令自己變成一個更好0既人﹖ 讓人地主動去親近你﹖
4)要響世界生存﹐你要明白呢個世界唔會牽就你﹐個地球唔係圍住你黎轉0既。 無一個人可以要求全世界去了解自己﹐然後因應自己0既需求黎配合你﹗ 相反﹐生存之道係我地要不斷去了解環境﹐然後不斷改變自己去迎合還境。

tb 通常都係開朗0既(唔係點溝女呀﹖)﹐佢又讀緊書﹐同同學攬攬﹐影相﹐係好普通0既事﹐佢只係做緊佢應該做0既0野﹐無錯0既﹗
你以前D friend, 識到一個開朗0既tb, 同佢friend左﹗ 一齊玩囉。 都係無錯0既﹗





“你話你好靜﹐所以呢刻全因你個tb ex一個人就
令你成個大學生涯都變得好無意思﹗”






呢句說話﹐係寫出黎比你睇0既。 你反覆讀多幾次比自己聽﹐會唔會覺得自己好傻﹖﹗

1)入U係為你自己將來的前途鋪路﹗ U grad而家已經唔算得咩0架喇﹐只係可以敲敲門﹐換個interview0既機會返黎咋﹗
2)你而家有個bf, 一個tb ex對你0既影響就咁大﹖人生後面仲有好多更難0既挑戰﹐以後點面對﹖
世上有太多比你不幸一千倍0既人存在喇。 有人飯都無得食﹐衫都無得著﹐一個砲彈落黎﹐睇住自己全家死晒﹐一場地震﹐家破人亡﹐比起地球上的大部份人﹐你的問題還算是問題嗎﹖
分析出來的都是客觀的事實﹐目的不是想令你更難受﹐而是希望你長大。 很快的﹐再過三年﹐出來社會便要面對比現時奸險1000倍的人和事。憑你成長的步伐﹐是沒有可能面對的(答過很多問題﹐通常會問”搶朋友”這類問題的﹐只有中﹐小學生會問到)﹐太容易受傷害﹐或許是家人把你保護得太好了﹐但即將要獨力面對社會的你﹐必須要有人心險惡的自覺性﹗ 學會自己將事情變成自己希望的模樣。
希望你無呃自己﹐你對個tb真係無曬0野。 咁事情就好解決啦。


你想同邊個夾schedule 0既﹐主動走去搵佢﹗ 全程當個tb透明0既﹗ 佢繼續同你傾計咩﹖ 抱住平常心﹐0岩傾0既﹐咪傾多兩句囉﹐唔0岩傾0既﹐你可以揀即閃﹐或者串返佢都得﹗ 唔好話唔識串人呀﹗ 以前唔識咩﹖ 而家開始學囉﹗佢影相係佢自由﹐你咪又影埋一份囉﹗果D都係你D friend 0者﹗佢生日唔請你咩﹖你生日照請返佢﹗等佢自卑下都好丫﹗ 等全世界都用自己對眼睇﹐邊一個先係大方成熟囉﹗ 以前好文靜﹐所以出問題﹗ 又察覺多一個問題勒﹗ 咁咪改囉﹐聽日就做個開朗0既人﹗ 見人就帶住笑容講聲早晨/good afternoon/晚安﹗ (咁要求﹐唔會好難0者係咪﹖) 最最最老土果句﹕幸福係要自己爭取0架﹗

你同埋要了解﹐每個人都在不斷改變當中﹐就算以前係你0既﹐今日都可能唔再係﹐愛情如是﹐友情亦然﹗ 如果真係有咁0既一日﹐果班friend全部都變晒﹐唔再so 你﹐你仍然可以利用你0既 Free Will, 選擇去識過班新0既朋友囉﹗ 成間U得佢地一班人咩﹖﹗
做人唔可能要求每個人都對你稱心如意﹐但可以要求自己做一個打不死﹗ 點都唔會”謝” 0既人。 朝著呢個方向走﹐你又真係做到﹐你試下話比我聽﹐你個tb ex. 仲有咩行為/舉動可以如你口中的再”hurt到你”?

2009-01-25 04:35:12 補充：
一個Undergrad 0既degree學得到0既knowledge其實只係好淺﹗﹗ Undergrad的過程只是訓練你的一套思考邏輯﹐真正的knowledge要在社會上或post-grad degree先會得到。

給你的意見是很直接﹐相信有些point對你會有些harsh,但全是現實。 希望你能吸收﹐儘快學得自強﹗

2009-01-25 04:35:30 補充：
記住﹗ 世界係唔公平0既﹐每個人的起點已經唔同﹗ 但係有一樣0野係absolutely fair 0既﹗ 就係我地0既Free Will!!! 請好好善用。 人生不是要改變別人的言行﹐而是要改變自己的內心!

2009-01-25 05:46:28 補充：
問題你都講晒出黎﹐道理似乎你都明白﹗ 但係仲爭最後一樣0野...............................

做﹗﹗﹗

同好多人分享過﹐我自己都好鍾意0既一句﹐ "Actions speak louder than words" 相信你都一定聽過

做人唔好害怕犯錯(隨著年紀﹐我犯過的錯多過你十倍)﹗ 呢個世界有一個人唔會/未曾犯過錯的嗎﹖ 一個成功的人與失敗的人的分別只是在於一個小小的要缺而已。

犯錯之後用那教訓來改進自己﹖ 還是沉醉在那錯誤當中﹖

2009-01-25 05:54:38 補充：
先前講的"自強"不是指外表﹐真正的自強甚至可以套用在最柔弱的女性身上﹐是發自內心的﹗ 是一種自覺﹐了解到其實任何難關到最終其實只有自己幫得到自己。

先前已有的感覺﹐加上你的補充﹐令我更加肯定你是一個太收埋自己的人喇。 人係群體動物黎0架﹐無人係天生出黎就可以能歌善舞0既﹐就同行路一樣﹐人生0既所有0野其實都一樣﹐係跌下跌下咁﹐慢慢就跌出黎0架喇﹗﹗

試下我0既建議啦﹗ 幫過唔小人﹗ 見親人唔理識唔識都好﹐好有自信﹐好開朗咁打個好簡單0既招呼。 日子耐左﹐你慢慢會感到社交同你自己本身都會變左好多0既﹗

你要想﹕你被舊情人利用，所以舊情人係壞人，你要做準備。
你*親口*同舊情人講﹕我憎死你﹗最最最要做既野係 有信心﹗