開始對男朋友無感覺 , 應如何提出分手?

在我的朋友圈子裡, 試過有您這種情況出現, 但情況比您更苦, 因為我朋友發現同男友唔係好夾時, 都硬要結婚, 個男朋友同您男友一樣, 話搞掂好哂結婚的東西就通知他, 連禮服都話叫個女朋友去選擇, 現在結婚了, 可惜個男仔一樣唔多痴家, 唔係好理個老婆.搞到我個朋友活在痛苦裡.
我要講呢件事您知, 是不想您好似我朋友這樣, 明知唔夾都要維持下去, 她結了婚, 作為朋友不可以勸她離婚, 去破壞他們. 但您情況不同, 您未嫁仲有決定權, 還可以選擇未來的路, 您已經很醒目, 知道唔夾, 更感覺到他對您沒有推動力, 這已經足以證明您對這個男友沒有信心再行落去.
按照這個男仔性格, 將來結婚後, 您比現在更加痛苦十倍不止, 因為他亳無責任感, 連結婚咁大件事都話要您去按排, 一點投入都無, 如果嫁俾佢同跳入火坑有乜分別, 所以您一定要慎重考慮清楚呢個男人是否值得付托終身.

講分手要好小心, 而家d人好恐怖,
你同佢講分手, 佢條氣實唔順,
或者受唔住刺激, 會自殺或者會殺你,
平時睇唔出佢會咁做, 但係最後都會咁做。
最好既方法就係叫佢番教會, 成日叫佢番,
最好佢既反應就係冇興趣, 咁你就成功咗一半,
佢叫你去街你就話要番教會小組聚會,
咁好快佢就會飛你架喇。

我之前個男朋友都有類似既情況,
好懶散, 生活無衝勁, 無理想, 無目標,
簡直係行屍走肉!
呢d人真係唔要得,
不過我地又未講到結婚,
我都係拍左2年就頂唔順,
我覺得我唔值得花呢d時間係佢身上,

1)其實要同呢d人分手可以咩都唔駛講,
唔搵佢就得,
到佢打黎個陣你咪先話分手囉.
唔好俾佢覺得佢重要,
唔好心軟, 佢只會拖累你,

2)直接了當講分手,收線!

你要搵一個可以帶住你走去另一個框框既男人!

p.s.唔好再諗hurt唔hurt,做朋友,
我宜家同佢分左手,
都唔敢同人地講, 我有個咁既bf,
好失禮!
而且, 你唔會再想見到佢,
and如果第日你同第2個拍拖,
都唔會點理d前度架啦!