海泉灣自由行數問

Q：我應該搭咩車呢？
去海泉灣有3種方法：

1) 你可以坐「中旅海泉灣專線」，單程Rmb22、來回Rmb40，係九州港或拱北口岸有得坐，車程大約80分鐘，時間班次及上車地點可參考：http://www.oceanspring.com.cn/big/holiday/tran_3.shtml；

2) 4個人我建議搭的士，我上年去係拱北入去要Rmb135（要講價），車程1小時；

3) 最平係巴士608路，Rmb7，車程大約90分鐘，係拱北萬佳百貨上車。

Q：九洲港附近有無食肆好食呢？
九州港只係一個細碼頭，行路要行好遠先有嘢食，我建議你坐的士去拱北會多d選擇，拱北嘅疊石餐廳都唔錯！

另外如果你堅持係九州港搭車，你可以坐的士去附近嘅吉大、或水灣路酒吧街都有唔少餐廳，仲有由九州港至拱北口岸嘅情侶南路，途中有唔少茶樓。

Q：海泉灣ｄ野食會唔會貴夾唔好食呢？
係海泉灣嘅漁人碼頭一帶，都有唔少餐廳選擇，有平有貴啦，水準都可以，不過當然無拱北禁低食啦。海泉灣嘅餐廳可參考：http://www.oceanspring.com.cn/big/holiday/main.shtml

Q：請問海泉灣去拱北要搭咩車？搭幾耐？幾多＄？
同入黎方法一樣，不過注意「中旅海泉灣專線」最好早d買飛，我上次聖誕出番黎d飛爆晒，要等幾個鐘先有車，另外的士雖然肯入海泉灣，但出番黎超難截到車，所以出番黎最好坐「中旅海泉灣專線」。

Q：拱北返九洲港又要搭咩車同搭幾耐度？幾多＄？
拱北口岸去九州港的士Rmb16（好準，次次都呢個價！），巴士就可以坐4路，空調Rmb2，非空調Rmb1。

留意：
澳門過年過拱北關口人超多，可能要1小時先過到關，建議考慮用橫琴關口會快好多。

2009-01-26 02:45:54 補充：
1. 我上次去係由拱北出發, 果邊中旅巴士站有指定時間嘅飛賣, 照道理九州港都有, 不過你可以安全起見跟住網頁個電話打去問.

另外香港有無得買「中旅海泉灣專線」, 我唔係太清潔, 你可以試下問香港中旅社, 因為海泉灣係中旅社營運嘅.

2. 係海泉灣如果你搵到的士出黎, 去橫琴可能會近過去拱北, 不過一定貴過「中旅海泉灣專線」; 橫琴口岸到九州港, 搭的士大慨Rmb50(講價),半個鐘車程.

橫琴過關近威尼斯人, 而且橫琴係出名食海鮮同蠔嘅地方!