減肥全身的方法

✔ 最佳答案

減肥，係一個仙都唔洗花的。

其實離不開做帶氧運動，除了跑步游水，還可以踩單車，向上行樓梯，划艇機等等，每星期三次，每次30分鐘或以上就可以了。當然，如果你體能上承受得都的話，做得密一點，每次做耐一點亦可以，最緊要量力而為。

就算你唔方便／唔想出街，響屋企一樣做到運動減肥：

1. 跳繩：在家中跳繩的話，就唔需要穿鞋了，免得噪住樓下。不過最有舖個軟墊，或最起碼舖條厚毛巾，可減輕雙腿承受的震盪。
2. 搵一張穩固的矮凳，然後不停地踩上踩落 (慢慢地，向前踏上，向後踏落)，亦係每星期 3 次，每次 30 分鐘或以上。

而且做帶氧運動自然會全身消脂，包括腰，肚腩，拜拜肉，修臀等等，更會令整體肌肉變的 firm 點，唔會鬆泡泡；相反，世上沒有<局部地區成減肥>，一減就必然係全身減的。

至於食物方面，必須要均衡飲食，千萬不能為了減肥而節食啊，亦唔好考慮甚麼減肥餐和營養代餐了，極其量只可以食少點油膩（唔係唔食油，只係唔好食得多，因為油脂都係身體必須要的營養）。

一定要攝取足夠碳水化合物和蛋白質，前者提供能量，後者則有助整體健康，兩樣都好重要。食唔夠的話會令身體乏力，無精神，容易病，更會影響你發育的！尤其你重係發育期間，這點你要特別留意呢。

不論你是男是女，唔夠營養的話，就自然連＜該大的地方＞都唔發育，你不想這樣吧？況且，唔夠長期節食會唔夠營養，遺害到你老的，例如老左會骨質疏鬆，絕不是跟你開玩笑的！故千萬不要依賴節食或用減肥餐和營養代餐！

還有，健康的減肥法是每週不可減超過 2 磅，要超過呢個程度的話莫說很難，而且會損害健康的，要切記。

還有，按照你現時的身高體重來講，你的 bmi 是 20 左右，其實都好標準了，不用太刻意減肥的；相反，假如你真係減到得返 40kg，咁 bmi 就指得 16 - 17 左右，變成過瘦了，對健康下不好的，呢 d 野不要強求，更不要愛靚唔愛命!

詳細均衡飲食資訊可參考衛生署的<食物金字塔>：
http://2plus3.cheu.gov.hk/html/b5/index.asp?fname=index.aspx

衛生署的運動介紹：
http://www.cheu.gov.hk/b5/info/exercise_02.htm

最後想提醒你：無論減肥定做運動，都要持之以恆，世界上無一勞永逸的減肥方法的。

回答 (2)