請問一下有關檢驗肺結核

梗係去睇普通醫生先啦
睇急症你行得又走得
只係咳左一個月既話
就夠你等四五個鐘先睇到醫生
D醫生會唔會贈（窒）你兩句我都唔敢包

咁當然咳一個月係一個問題黎既
問題係你依個月有冇睇過醫生
有冇食過藥飲過咳水
拎D藥樽藥袋去比個醫生睇幫到佢判斷係唔係肺癆

如果連初步醫生都未睇過
成藥又未食過
咁就好難肯定係肺癆噃
傷風咳唔醫都可以咳足成個月唔好

單純咳一個月唔係肺癆既指標
好多肺既問題氣管炎呀
哮喘呀食煙呀肺癌呀都可以咳咁耐
唔一定係肺癆

正路黎講睇醫生個度都可以幫你
你直頭一開波話驚自己肺癆等佢幫你睇
肺癆而家好常見好多人都有
其實D醫生都唔會覺得奇怪

你留意下有冇咳血痰呀
身邊D同學同事屋企人朋友有冇又係咳左好耐
甚至直頭係確診係肺癆要食藥既
依D都幫到診症

最後我想講既係
你去私家化驗所照張肺都只係80蚊左右
有事既話拎個報告睇醫生轉介咩都快d
冇事既話連睇醫生既錢都慳返
飲下咳水唔得先再睇啦

ok