有飛行恐懼症...點算...

小弟認為大部份恐懼症都一樣係由於過份擔心幻想出來既危險或誇大一啲發生機會微乎其微既危險而來。樓主既飛機恐懼症主要係由於害怕自己條命完全交係機師手上，而飛機下面又無承託，所以覺得非常無助。小弟認為呢種心理好正常，因為當年小弟初次搭飛機時都有類似既感覺，只係我無樓主咁擔心姐。
點解決﹖我認為對付恐懼症得一個方法，就係理性了解自己將要面對既風險及危機，用證據話比自己聽有啲危險只係幻想出來或被誇大左。
以搭飛機為例，無錯每次空難都幾乎肯定死梗，但首先近年來空難好罕見，就算有都多數發生係一啲較落後地區較小航空公司既班機上。而且空難都唔一定死人，前幾日飛機急降河面嗰單野就係例子，我亦親眼睇過有段片影到架飛機係機場緊急降落後機師立刻疏散乘客，就係最後一個乘客離開之後架飛機就立刻爆炸，搞到好似做戲咁。但犀利既係上述兩單野都無傷亡，可見就算真係遇到空難，你同我都唔係咁易死得。
Korean Air我未搭過，但佢算係一間有規模既公司，而近年亦未聽過佢有嚴重空難，所以樓主應該可以放心。另外，如果樓主肯多查閱一啲民航既資料，就會發現現代民航管理及飛行都幾管理得幾完善。大部份航空公司既飛機既機隊多數都唔過十年機齡，而且啲飛機經常被檢查，一發現有問題嗰個形號既飛機會全面停飛，而過去亦真係有飛機係因為通過唔到檢查而停飛。仲有，民航機係天空上絕對係以安全為主，首先所有大型民航機都會係10,000米，較為穩定既平流層飛行，而且啲飛機既飛行路線有嚴格限制，唔可以亂來。而呢啲航線已經被多次飛行過，所以問題應該唔大。所以民航機雖然係表面上睇來的確幾牙煙，但事實係依家全球幾乎所有人都搭飛機遠行都無咩事發生，證明民航機雖然唔係百份百安全，但佢既危險程度已經低到我地可以不理，而事實上亦唔可以理會，因為樓主仲有第二個出遠門既途徑﹖

first of all, you have to identify WHAT you are afraid of - aircrash? closed space? being above ground?
Without knowing what exactly you are afraid of, it*d be difficult to help.