✔ 最佳答案
去到間卡拉OK,行埋去接待處,職員就會問你幾多位,然後叫你俾張身份証或卡拉OK會員証給她登記的,跟住,會講當時既收費,例如:而家時段幾錢,包幾多杯無酒精飲品(即奶茶檸茶之類,酒精飲品係要另外加錢的),花生加一另計,可以唱幾多鐘咁....,如無問題,她就會寫低房號在張紙上面,然後,指你行入去,跟住,就會有另外個職員带你入房,入到房,個職員會再問你清唔清楚個收費和需唔需要而家點埋飲品,如你覺得未需要,想轉頭先點,房裡面有個電話,到你想點嘢時,按0字服務台(大多數卡拉OK都係按0字的),如果想食嘢,通想唱夜晚,即黃金時間,有啲卡啦OK都會有K bufflet的,但要另外加錢,還有其他餐牌食物的,到時在房裡面,應該有餐牌可以睇到,總知到時有咩想問,都係按0字服務台,職員就會答你的,最後,唔使擔心會唔會過鐘,而成日對錶,因為如當時話俾你可以唱兩個鐘,他們會提早半小時通知你和幫你埋單的,時間一到,卡拉OK係統系就會停的,即話唔可以再點歌了,如當時還唱緊的話,唱埋呢首,就算後面有幾多歌,都無得再唱了,咁你就可以走了.
P.S.而家有好多卡拉OK,都會講明,你們可以唱幾多個鐘,如無人等位,你們就可以繼續唱,所以見差不多時間,都無職員叫你埋單,你就可以相繼續唱了,到你唱夠時,就一樣按0字服務台,叫職員幫你埋單,一般來講都係收現金,visa和master信用卡的.
希望幫到你啦!