投影機是如何安裝到天花板的？

一般分兩個方法,一係直接用4支螺絲桿加爆炸螺絲咁吊住,通常買投影機加標準安裝就係呢隻,因為夠平,慳翻個吊架錢,穏陣其實都好穏陣,不過外觀就核凸啲,尤其吊得比較低既投影機.
另外一種就係先用爆炸螺絲收個吊架上天花板,再用螺絲收投影機上吊架到,要用多咗錢買個架,但係就靚仔啲,吊得低既話可以加圓通.
吊機力度方面唔駛擔心.爆炸螺絲承重力是很驚人的,基本上一粒都夠力,四粒肯定穏如泰山.有啲投影機架甚至只跟4支好長既膠塞,一樣夠力.
不過最難係同投影幕對正既問題,以前就只係靠拉呎度三角形對中,水平呎對水平咁慢慢畫線鑽螺絲窿,而家已經冇乜人咁做,改咗用可以射鐳射光出來既鐳射水平儀.只要Mark啲點在塊幕某啲位,用水平呎射出來的光線對正,佢自然就會用另一組光線投射出投影機應在的位置,搵螺絲窿位會易同準好多.
吊咗部機上去之後就係微調位水平,可能都要墊介子之類.現在的投影機用家幸福好多,以前的投影機(唔計三槍機)只有變焦功能改變畫面大小,而家一般都有埋lens shift,可以頗大幅度調整上下及左右距離.容易得多.不過留意用lens shift會降低投影機亮度,可能的話唔好用咁盡.

2009-01-24 07:50:39 補充：
例如旺角添置大厦的專業影院,美麗華廣場的Hi Fi Gallery,鴨寮街聯興等等.

2009-01-24 16:29:20 補充：
我係指賣投影機既地方一般都有投影機架賣.