細胞致病論定細菌致病論正確?為什麼食咁多西藥病情都沒有好轉?

要睇你個病係咩病喎……

經病原體感染既病即係傳染病
係需要有足夠既病原體
同埋身體抵抗力降至一定水平
病原體唔可以由人體免疫系統排除
病原體產生毒素影響細胞就會病

相反地傳染病以外既病
就係獨立於病原體
受其他因素影響
比如食煙飲酒受傷壓力幅射基因等等
依d因素影響左細胞就會發病

單純咁認為細胞會變成病原體
響而家既科學黎講好明顯係錯誤既理論
響生物分類同進化學上或者醫學上
都係唔成立
而細胞本身既影響就係免疫力既問題

亦可以咁講
因為環境既不良或者衛生習慣唔好
係會令抵抗力降低
加上病原體環境適合大量繁殖
兩者既環境因素係可以一齊出現
比如上面提到既食煙
就會直接令氣管既抗病能力下降更加易病

基本上好耐之前既醫學都係主張個人自癒能力
d老土到唔老土既訓多d飲多d水均衡飲食要運動
真係幾千年都未out過
你就知佢有幾真

好似傷風依d唔會有藥醫既病
從來都係控制症狀之後
靠人體既自己既自癒能力好番
所以後生既人可能唔睇醫生訓幾日就好番
老人家睇左醫生食藥都肺炎入院
就係人體免疫力同自癒能力有關


仲有玩左知識＋咁耐
發現d人成日有好多錯誤既睇病意識

比如認為有唔舒服係驗身唔係睇醫生
認為食成藥一定醫到病退到燒實唔駛睇醫生
認為睇醫生一開藥食一定即刻好
或者認為d病好似好左抗生素就唔駛食
或者一個醫生食左兩餐藥唔夠覺得唔好就仆去睇第二個
第二個兩餐藥又唔好又睇第三個
轉醫生仲快個轉衫

依d習慣都係會令d病醫黎醫去醫唔好
再者個人醫唔好都係其次
d病菌有左抗藥性傳黎傳去
終有一日大家有病都冇藥醫

我唔可以否認而家d私家醫生係開藥多過本來需要
不過依d都係大家養i成
覺得比左錢冇咁多藥拎唔抵啦
咪開多d大家開心
結果就係惡性循環

就連打退燒針同大陸係唔係都同人吊鹽水
都係d本來唔需要
但係因為病人要求之下產生既野黎