意大利5天之旅..救下我>

5日去晒以上既地方﹖！小弟今年八月去意大利及瑞士旅行，唔去米蘭以外既另外四個地方都用左7日6夜時間，都只係僅僅夠用，如果樓主真係想5日去晒咁多地方，明顯係太趕。
由佛羅倫斯去德國﹖點解唔係威尼斯或米蘭先至搭過境火車﹖米蘭係意大利北部，有好多去瑞士或德國既火車，小弟係遊完另外幾個城先至去嗰度轉車。
我建議照以下既次序搭火車去嗰幾個城市﹕羅馬 > 佛羅倫斯 > 比薩(由佛羅倫斯)來回 > 威尼斯 > 米蘭。唔係一定要咁行，但呢個次序係將上述幾個城市由南至北順序排列，照咁行應該會順啲。而且小弟當時就係咁行，完全無問題。去比薩通常由佛羅倫斯出發並係同日來回，因為比薩除左斜塔之外真係無野睇，所以睇完後即刻可以走。小弟當時搭頭班車由佛羅倫斯去比薩，早上10:30參觀完離開，大概12:30已經番到佛羅倫斯。
意大利國鐵訂票好方便，上佢地個網申請一個戶口就可以係網上訂齊所有車票。只要你keep好啲收據，等去到意大利攞飛就得啦。如果樓主係羅馬入境，當你由機場搭火車出到市中心既Termini時，就可以順手攞埋啲車票。
意大利國鐵網址﹕
http://www.trenitalia.com/
希望以上既野可以幫到樓主。

2009-01-23 17:11:33 補充：
樓主咁有心問，我梗幫樓主。樓主個行程絕對無問題，但要解決既係點樣係米蘭入境。首先我唔知米蘭有無國際機場，就算有，我估大部份去意大利既國際航班都會飛去羅馬，小弟唔清楚樓主可唔可以只轉一次機就由香港去到米蘭。

2009-01-23 17:14:17 補充：
樓主講得無錯，米蘭無咩睇，大部份人去都係為左買名牌，如果講景點，就只有米蘭大教堂可以睇下。但據我所知呢個教堂其實比較平庸，藝術價值雖然高，但觀賞價值就不及其他三大城既教堂，所以樓主真係要唸清楚好唔好去。

2009-01-23 17:28:38 補充：
幾個城市既情況不盡相同，所以市內交通既問題都有唔同既處理方法。不過小弟以步行為主，因為我想慳錢之餘，又可以深入幾個城市去感受氣氛，而且有唔少景點行去會直接好多。羅馬係四個城中最大既，你唔可以剩係靠行，但佢既地鐵就好可靠。樓主最好就係去地鐵站買一張價值11歐羅既通用飛，佢令你可以係3日內搭任何羅馬地鐵同巴士都唔駛再比錢，非常方便。

2009-01-23 17:34:34 補充：
羅馬景點以去梵蒂岡易啲，因為搭地鐵去到Ottaviano站落行十分鐘就到。鬥獸場同遺跡仲正，係正Colosseo站隔離，一出就係。西班牙樓睇同樣係一出Spagna站就係。但其他景點都離地鐵好遠。去萬神殿、四河噴泉一帶，你先要去到Via Del Corso然後左轉入橫街行多一陣先可以到。而許願池就係Via Del Corso右邊既橫街區。由於嗰區既街好複雜，如果樓主要行去，一定要有一張詳細既羅馬地圖跟住行先得，如果係機場或火車站攞唔到都要買左先。

2009-01-23 17:34:38 補充：
順帶一提，“許願池”只係我地中國人根據佢既功用而得來既譯名，佢正名叫“Fontana di Trevi”，直譯為“三叉路上的噴泉”，樓主係查地圖時要留意。

2009-01-23 17:41:34 補充：
至於佛羅倫斯，由於佢既景點集中晒係市中心舊城區，而且成個市區都好細，所以我係嗰度全程靠行。我間酒店係火車站隔離，由火車站已經望到百花聖母大教堂(Santa Maria del Fiore ，即係成日見到嗰個大圓頂教堂)，行去大概要15分鐘。再由大教堂出發向阿諾河方向行5至10分鐘可以去到烏菲茲(Uffizi)博物館同老橋。反阿諾河方向行20分鐘可以去到藝術學院博物館(Galleria dell' Accademia)睇大衛像。

2009-01-23 17:43:10 補充：
至於米開蘭基羅廣場，雖然行去係得既，小弟都係行去，但由於好遠，而且上山條樓睇好長，大熱天時行去真係好辛苦。不過我又唔覺有咩公共交通上到去。如果樓主唔想行，睇黎要預多啲錢搭的士。若要行，一定要帶備一張詳細既地圖先至去得到。

2009-01-23 17:48:27 補充：
威尼斯既市內交通首先要睇樓主間酒店係邊。如果樓主同我一樣住係岸上既Mestre，咁你去威尼斯市就要搭巴士經過跨海大橋先去得到。威尼斯市雖然係浸係水度，但其實市內橋樑四通八達，而且市區面積細，靠行就得啦。不過係威尼斯內行有一個大問題，就係嗰度啲街太複雜，樓主必須要有一張極為精確既地圖先至可以係呢個大迷宮內行動。

2009-01-23 17:53:00 補充：
由Mestre來既巴士會係羅馬廣場(Piazzale Roma)落客，而核心景點如嘆息橋、聖馬可廣場及教堂都集中係市區既另一邊。我遊覽既方法係先係羅馬廣場搭船去聖馬可廣場，然後再由聖馬可廣場行番去羅馬廣場搭車番酒店。

2009-01-23 17:56:04 補充：
至於比薩，正如上述所講，要由佛羅倫斯搭車去。比薩市城區唔大，而斜塔及相連既教剛好係城既最北邊，而火車站就係城既最南邊。你只要沿住一出火車站望到嗰條大街，大概向北一直行，係過在河再行20分鐘左右，就會去到斜塔。回程時一樣係照原路掉番轉行就得。

2009-01-23 18:00:15 補充：
係意大利時我覺得搭既火車唔算多，所以都係逐程買飛，去到再一張張飛攞。咁樣雖然幾煩，但勝在唔駛因買火車証而蝕比佢，我覺得上意大利國鐵個網落booking好方便，樓主不妨reg個account試下。

If go to Piazzale Michelangelo, u can take public bus in Firenze SMN train station (No. 12 or 13).

Price of No. 12 or 13 is EUR1.2/way. But u hv to buy ticket in the store with "T" logo before you get on.

http://travel.atnext.com/index.php?fuseaction=CityGuide.Sight&cityID=2630&pageNumber=4