真係有呢條保護兒童法例!?

真係有條咁既法例~

刑事罪行條例第122條：猥褻侵犯 (即非禮)
(1) ...任何人猥褻侵犯另一人，即屬犯罪，一經循公訴程序定罪，可處監禁10年。
(2)年齡在16歲以下的人，在法律上是不能給予同意，使某項作為不構成本條所指的侵犯的。

所以，如果個時個女仔未夠16歲，法律上唔可以給予同意俾你摸佢。即使佢當時同意，法律都會當佢無同意，咁你就哀啦。如果父母要刻意留難，佢地會報警，咁到時留案底就唔好啦

仲有，千祈唔好違反其父母意願帶走個女仔~

刑事罪行條例第126條：拐帶年齡在16歲以下的未婚女童
(1)任何人無合法權限或辯解，將一名年齡在16歲以下的未婚女童，在違反其父母或監護人的意願的情況下，從其父母或監護人的管有下帶走，即屬犯罪，一經循公訴程序定罪，可處監禁10年。

你應該知道唔可以同16歲以下女性性交 (刑事罪行條例第124條) 或作嚴重猥褻行為 (刑事罪行條例第146條)e.g. 摸重要部位、口交等

對你既建議：
1. 唔好違反其父母意願帶走個女仔。唔好父母唔比佢同你出街都強行帶走佢。所以你地要交往係有難度，可能淨係可以 msn 、講電話。如果要出街，最好係個女仔唔係父母的管有下個時

2. 唔好搞，除非個女仔夠 16

3. 唔好攬攬錫錫。屬邊緣行為。有案例話錫唔構成非禮，亦有案例話錫係某些情況下構成非禮。為安全起見，最多拖手仔算。因為要構成非禮，該行為必須被一個合理既人視為猥褻。拖手仔應唔算猥褻掛？

4. 和她父母旦誠對話，希望佢地接受你。如果你能顯出誠意，唔係無機會架

如果想搞，除左要16歲，仲要記住以下法例~

刑事罪行條例第127條：拐帶年齡在18歲以下的未婚女童為使她與人性交
(1)任何人將一名年齡在18歲以下的未婚女童，在違反其父母或監護人的意願的情況下，從其父母或監護人的管有下帶走，意圖使她與多名或某一名男子非法性交，即屬犯罪，一經循公訴程序定罪，可處監禁7年。

kenzzz兄快而準, 我都想答呢條, 但見到你, 我收皮啦.

重有一條:
Cap. 200 <刑事罪行條例> SECT 146 - 向年齡在16歲以下的兒童作出猥褻行為:
任何人與或 向一名年齡在 16歲以下的 兒童作出嚴重猥褻作為， 或 煽惑一名年齡在 16歲以下的兒童與他或 她、 向他或 她、 與另一人或向另一人作出此種作為， 即屬犯罪， 一經循公訴程序定罪， 可處監禁10年。