我剛剛發現我懷孕了~請各有經驗人士幫忙解答

豬小姐: 首先問你有左幾多個月先, 係自己驗到, 定係經醫生證實先,如果係經醫生證實既,而你又想要個BB既,咁就按照以下既方法去做啦!
1)睇醫生,證實左之後,可要求醫生幫你寫信,轉介去公立醫院婦產科登記
2)&3)登記之後,醫生會為你作身體檢查,到時問醫生,自然會解答你既疑慮,不用擔心
4)經登記之後,醫院會全程跟進你的個案,
公立醫院已經係最平.
5)一般醫生都建議生產3個月後,可以恢復性行為.

2009-01-22 15:42:50 補充：
醫生建議: 懷孕至6個月後,一樣可以有性行為,只不過不能過於激烈.

要介除吸煙&飲酒既習慣,咁樣對個BB會健康D,心肺功能強壯D,病都少D

1) 首先你要決定去私家定政府生bb。去私家生既話，你就要搵個私家既婦科醫生開始做檢查，再check下到時你生果時佢可唔可以幫你接生同埋去到你想去既私家醫院就得喇。
若果想去政府醫院生既，就要去是但一間普通診所做驗孕，之後可以叫醫生幫你寫封轉介信，(最好之前諗定去邊間醫院，可以叫醫生直接寫係信到) 拎住封信去醫院到登記，佢地就會安排你做產前檢查架喇
另外而家岩岩有左，頭三個月都要特別小心，避免動作過大，飲食都要小心，寒涼熱毒既食物飲品都最好避免
2) 想檢查bb有冇正成生長，可以去私家醫院/診所照超聲波。若果本身決定係私家生既，你每次檢查都會照。但若果係去政府生既，就要自己去私家照。因為政府醫院多數都唔會幫你照超聲波既，除左有普查或者你係高齡產婦先有機會照到。
你可以係懷孕八週到去照下，果時應該都會睇到心跳同係唔係正常成長緊
3) 宮外孕係睇係既卵子係邊個位置受精，所以就算就咁流入去都唔一定會宮外孕既。黎緊呢兩個月你睇下會唔會有見紅(即係好似m黎咁) 不論多或小，都要立刻睇醫生
4) 若果你係香港居民，最經濟既當然係政府啦。由你登記至任何一次既產前檢查都唔使比錢既。到你入院生都係大人$100一晚，bb $50一晚。不過當然就緊係冇私家咁詳細同埋冇得次次照超聲波啦。
我自己都係政府登記，不過登記完隔成三個月先安排到第一次檢查，所以我之前都睇過兩次私家，順便照下B超。我去法國醫院，搵姓梁既女醫生，大約$300一次 (包檢查、B超同兩張相)，都可以話好抵架喇
5) 性行為最好過左頭三個月先好，因為開頭呢三個月都未佗得穩。若果太激烈好易令BB黏唔穩做成小產

1) 選擇寬鬆衣物,放慢工作的步調,不宜熬夜或工作過度!

2) 這個當然去醫院啦!

3) 看看有沒有這些徵狀:一邊肚子痛,膊頭尖疼痛,不正常出血,沒有月經或月經來遲,大小便困難,晶神崩潰...如有就快去醫院啦!

4) 政府醫院會好點!

5) 至少都要100日啦...(即係3個月)