✔ 最佳答案
如果你只係預左1.5-2萬去買1卡左右既戒指, 一係可以買到一隻有幾粒共重一卡既鑽石戒指, 或只可以買到一隻質素幾差既卡裝鑽石戒指 (e.g. colour 好黃去到”M”以上, 或淨度差到去”P”, 啲瑕疵裂紋肉眼都以睇到果種, 又或者車工差到無晒火兼懵懵地)。
我心目中理想既1卡鑽石戒指, 要有F colour 、淨度係要有一個”V”, 車工當然要正常和對稱啦! 我十年前打過價都要四五萬以上, 早兩三年前朋友話俾我知已經漲價至六七萬左右, 因為我儲極都唔夠錢買, 所以放棄咗喇!
至於你問有關珠寶展既野, 我都可以同你分享一啲心得, 因為我都有十年行珠寶展既經驗!
香港一年會舉辧四個國際珠寶展, 每次舉辧單位會唔同, 一般展期係四五日, 時間通常會係三、六、九、十一或十二月, 以每年既九月舉辧國際珠寶展最大規模, 有五六個Hall同場展覧; 入場費大約$80-$120之間, 十一或十二月最細型, 通常果啲本地廠家或珠寶公司係X’Mas前用來散貨用,可能係減價促銷一些過期款式, 平但係唔靚。 係Hall 1都有一些本港大型珠寶店擺展, e.g. 周x福、謝x麟等.....
黎緊既三月份香港國際珠寶展日期係4-8/3/2009, 香港貿發局已經寄咗個免費入場既badge俾我, 因為我以前參觀過佢地搞既珠寶展, 已經有我既紀錄, 所以佢地會識得寄黎; 如果你識得有相熟既珠寶店擺展, 佢地都會有免費入場邀請表格俾熟客既, 你可以問佢地攞呀!