我覺得我老公比唔到安全感我

請問是那方面的安全感? 生活上, 例如你覺得他會離開你? 經濟上, 你覺得和他一齊生活無保障? 實則上, 你認為他保護唔到你? 還是他信其他人唔信你? 所以妳覺得缺乏安全感?

2009-01-22 17:46:23 補充：
婚姻問題, 很多人歸咎婚後兩人再沒有火花, 生兒女後更只為口奔馳, 或照顧兒女, 夫婦間生活漸漸沒有情趣可言.

其實兩個人相處, 好多人以為要不停有驚喜, 要有進展, 引入新家庭成員, 才能維繫雙方感情. 其實, 只要雙方能維持相親相愛, 懷念過去, 一樣可維繫彼此的感情. 舉例說, 有些人伴侶離逝, 仍能長期懷念另一半, 就是一段情感歷久不衰的好明證.

2009-01-22 17:47:09 補充：
實際來說, 以往一定有些事, 有些情, 曾另你的另一半心動, 偶爾再做一樣會帶來感動和喜悅, 甚至使大家一齊回想當年美好回憶; 又或者, 有些事, 以往未能做到或未做過的, 不妨把它完成, 信守誠諾, 亦能給對方驚喜, 以前少做的事, 不妨多做, 也能帶出效果; 即使簡單如多陪伴侶做下飯, 拖手行公園, 天台觀星談心事, 甚至看電視傾劇情, ... 總之, 多些時間陪伴侶, 保持溝通, 愛的火花就可長燃.

2009-01-22 17:48:24 補充：
結婚後, 如果就欠缺溝通和陪伴時間, 很快感情就會淡, 試想你陪他/她的朋友/同事時間還少, 更枉論和拍拖時比較. 兩個人感情淡下來, 欠缺時間, 是問題, 但不關注對方, 雙方欠溝通, 長時間相對亦無用, 所以要保持溝通關注, 體會對方感受. 第三者之所以能出現, 不是因為新驚喜, 只是因為第三者比你更關心佢, 也願意花多點時間發掘對方優點和特點, 所以被比下來.

只要有人肯行多步, 事情有機會解決的. 努力呀.

其實點先為之有安全感.點先為之無安全感姐.大家都係女人.有疑心就係一定架啦.我唔敢講我好明白你既感受.因為大家對感情既處理方法都唔一樣.但我只可以同你分享一下我既意見.生左小朋友.有左責任.就一定唔可以好似以前咁相親相愛.咁方便.你可唔可以間唔中搵人照顧下你果3個小朋友.偷小小時間出黎同老公一齊出去輕鬆一下.拍下拖.其實好明顯你老公上得去打online game.同上面d人仲多野講過你.我諗佢應該係生活得好枯燥.不如你製做下多d新驚喜俾佢啦.你唔好下下問實晒佢去邊做乜.佢都有自己既私人空間.你明知問完都唔會有一個滿意既答案.佢亦都唔會正面咁去答你既野.你又何必再追問落去呢.男人就係咁架啦.換轉係你.你都反感啦.嘗試一下調轉係佢個角度諗.我唔係叫你唔出聲.但係可唔可以轉個第個方式去發問呢.對大家都好.佢又易落台.你唔好係佢d朋友面前問佢.近排忙緊d乜.做緊d乜.有冇同你地去街.咁樣會搞到你老公好無面.老實講句丫.最驚係佢呃住你出面有第個姐.有可能係一場誤會自己多心.但就算佢係呃你.比你知道個結果你又可以點丫.男人永遠都好多藉口架啦.包括你自己做錯事都會有好多藉口去解釋.唯一要解決你地而家既情況.就要睇下佢愛你有幾多.肯唔肯為你而去改.肯唔肯對你坦白.可能係誤會姐.你唔好咁灰心啦.比d信心自己.比d信心老公.嘗試係你老公面前顯示下你既長處.大方一d.記得記得記得.轉換另一種方式去問你老公.祝你成功。

我結左婚四年幾，開頭都同你一樣，成日覺得老公會有野。加上佢又係成日上網，而且我亦見過佢同女仔傾計
不過之後我好平靜咁攤開晒黎同佢講，講晒我既感受比佢知。之後既一段日子都相處得好好。而且我亦都越黎越睇得開，可能我放得太多時間係個仔到，都冇咩時間再理佢同邊個去街喇。雖然我會問佢同邊個去，佢亦會話我知有咩人去，但係到時係咪真係果D人你又會知咩，所以我都唔理咁多喇
結婚並唔係三五七年既事，係一生一世，你經常性咁CHECK住佢，比你知道佢講大話你又唔開心，佢又覺得你煩，既然係咁既，你試下好似我咁放開D。只要佢知道佢只係得你一個老婆，識得尊重你咪得囉~

好有問題? 無理由去睇戲, 同其他朋友去, 都唔同老婆去,

你最好問佢係邊個朋友? 就算真係朋友, 都唔應該, 點解

同朋友去唔搵埋老婆一起? 若然佢D朋友你唔識, 就更加

要一起去, 介紹俾老婆識啦...! 仲有佢成日有嘢唔同你講,

一定有古怪啦...! 無事不可對人言, 更何況係自己身邊人,

經常上網同女仔傾, 有機會識到女仔, 我相信你要留心你

老公, 咁樣都係保你個家庭, 唔好俾人入侵, 老公老婆最

親密既, 有乜嘢唔可以講? 除非有古惑 ~



2009-01-23 07:11:42 補充：
佢話係朋友, 仲要問係男定女, 若然係女性朋友, 更加唔可以,

咁樣即係不忠, 老婆都係由朋友而嚟!