點教兔仔去次所

上面朋友講既野都係岩既
係籠養既個廁所當然要放係籠入面
你平時要留意兔兔係邊個角尿尿
就放個廁所係個度
再用吸左尿尿既墊料係廁所
當兔兔豎起條尾,擘開對腳個陣就係想尿尿
你要盡快抱佢上廁所啦
兔兔多數都係邊食邊便便
所以你放D草係廁所附近都會易教D

如果整到腳仔黃左
少少都唔緊要啦,佢地會自己清潔
如果都好污糟,就用暖濕毛巾抹下

用舊布吸尿都可以
不過寵物店有尿片賣
都可以放係籠底
另外仲有vet bed
呢張野可以將尿尿吸係下面
有毛毛,冬天可以保暖
但係小心兔兔會咬呀~~

2009-01-22 14:08:38 補充：
好似以下朋友所講
教兔兔去廁所係要有耐性
未必教幾日就識架
有D幾個月都好正常

有D兔仔就絕左育就識去
我隻仔就係咁啦

所以唔好心急
記得慢慢教
更加唔好打

有冇放D草係廁所附近同抱佢去廁所呀?

兔兔好中意乾淨，可以利用兔兔中意係角落去廁所ga行為特性，教兔兔去廁所。

訓練兔兔去廁所ga習慣，最好由三個月以下ga兔仔開始，因為訓練會比較容易。因為隨住兔兔成長，兔兔ga學習力會增加，都比較固執。所以，係兔兔未養成壞習慣之前，教兔兔用廁所係好重要ga一門課題。

岩岩帶兔兔返屋企戈時，係未適應新環境之下，兔兔會係籠ga每個角落去廁所，過幾日我們可以發現兔兔比較中意係某個角落去廁所，我們就可以係呢個地方放廁所。令兔兔熟悉廁所ga位置，可以係廁所入邊放兔尿同兔便便，兔兔會根據自己ga味道搵到去廁所ga位置。

另一種方法係：係兔籠四周圍都放廁所，同樣搵出兔兔比較常用ga某個廁所，慢慢咁收返兔兔用唔到ga廁所，都可以順利咁訓練成功。

每隻兔兔個性都唔同，有d兔兔容易教，快則一日，慢則一星期或者一個月之久；都有兔兔一世都唔識用兔廁所ga案例。

但係俾d心機同耐性,慢慢教佢啦

腳仔黃晒可以用暖濕布幫佢抹,或者局部洗腳仔,洗完都係要吹乾腳仔,如果太嚴重洗唔甩,可以用教剪cut左佢黃左ga毛,(但係唔好剪太多同剪得太貼)

2009-01-21 22:56:50 補充：
你可以試下放個廁所係兔兔食野個兜ga斜對角

姐係食兜放係左下角,而廁所就放係右上角

因為兔兔有天然習慣係食野地方ga斜對角方便的

你個廁所有無放係籠入面呀?我隻兔仔,佢會係上面尿尿,不過就喜歡係籠度便便,我一般都用掃把掃囉...
有人同我講,你放d便便係廁所度,佢就會跟住d味走上去尿尿..
如果你覺得佢隻腳會整到黃黃地,咁你可以考慮放條細細地嘅舊布係上面,吸左尿尿就掉左佢,咁佢隻腳會乾淨d..我都係咁..