買野比太多既散紙係咪真係違法架?!

毫子嘅使用係有法律依據嘅. 根據香港法例第454章<硬幣條例>第2條 - 屬法定貨幣的硬幣 - 第1節:
行政長官會同行政會議可藉命令授權發行硬幣， 其設計、 面額、 成分、 準重量及可容許的公差， 須於命令內指明，
而只要該等硬幣沒有經過任何受法律禁止的形式處理， 即屬作為支付下列款額用途的法定貨幣 -
(a) 以面額不少於$1的硬幣而言， 所支付的款額不超逾$100；

(b) 以面額少於$1的硬幣而言， 所支付的款額不超逾$2。
即係你用毫子支付的款額多過$2, 咁對方有權唔收. 但支付的款額不超逾$2, 而對方唔收, 就犯法. 但犯嘅唔係刑事法, 所以如果你要追究, 只可以循民事訴訟去告佢.
買嘢始終係商業交易, 一個願賣一個願買. 你有權決定買唔買, 對方亦有權決定賣唔賣. 佢話你俾毫子就唔賣俾你, 你都吹佢唔漲, 因佢大可以話見到你太過高大威猛明艷照人唔賣俾你, 唔關 d 毫子事.

我只憑一樣野, 只要係真錢就無問題, 散紙都係法定貨幣黎架喎, 話明係法定貨幣, 即係可以用黎交易, 店舖一定要收取架啦, 而且又無銀行話邊年出既散紙係有問題, 反而係大紙先至成日話有問題啫. 只係如果你買野俾晒散紙, 收銀員塊面就眉頭一皺, 但佢都要收個喎, 無咩問題丫! 不過, 而家八達通咁流行, 散紙都就黎成為古物啦
如果你朋友真係咁講既話, 請佢引經據典啦, 講返香港法例第幾章第幾條係咁講咯!