租客退租問題点處理

首先揾埋個朋友(做人証), 一齊攞部相機再去單位, 影低哂 d 破壞. 記得影一幅相係你朋友企在屋內嘅同埋較準相機嘅日期時間. 出門口時記得叫鎖匠換鎖.
哂四套相, 出 2 封信俾租客及 1 封俾中間人. 俾中間人嘅一封地址寫番中間人嘅地址. 一封俾租客嘅地址寫中間人地址, 信封面寫 "致XXX(租客), 由 YYY(中間人)轉交. 另一封俾租客嘅地址寫你單位地址. 內容係收到中間人通知, 租客於某日退租. 但你去收樓時見到樓宇內部嚴重損壞 (並附上照片), 所以你會沒收按金作為維修費用, 並保留追究損失權利. 再以掛號寄出. 記得保留掛號收條.
再揾裝修佬睇睇執番要幾多錢, 叫佢出報價單. 影印後再照以上方式寄三個副本俾中間人及租客, 乜都唔使寫. 然後叫裝修佬開工執整. 完工後記得攞單據及幫單位影相留底.
以上程序可防止租客話你吞佢按金而告你.
如果你想追佢執整差價, 可入禀小額錢債審裁處. 但人去樓空, 重係位婆婆, 我諗成功機會不大. 無謂搞.