LCD電視如何關機??

無理由, 一定有個電源開關掛. 唔知你既係咩牌子咩型號既電視機, 最好搵返本說明書睇下點關機啦.
如果真係冇電源制, 折衷辦法, 就係將機set做standby, 再將插蘇頭既電源關埋佢, 就穩陣得多.
standby mode始終有d危險性, 一屋既人訓晒覺或者出晒街, 一定要關電源. 另外一個原因, 係standby mode其實仲用緊電. 美國有人統計過, 一個家庭如果將屋企所有唔用既電器電源都關閉, 一年可以交少幾百蚊電費, 又慳錢又環保, 絕對值得咁做.

2009-01-23 01:25:34 補充：
同意樓下網友話, 有時鐘功能既電器, 下下斷電就冇意思. 不過如果你屋企本身已有鬧鐘, 保留多一個食電既鐘, 又好似意義不大囉. 唯一理由可能係預校錄影, 不過, 既然預校, 就即係冇人係屋企啦, 又使咩著住個電視? 真係諗唔出一樣必需要長時間standby既理由囉...

2009-01-23 01:26:48 補充：
LCD電視機既火牛係非常高壓而且食電, 亦係事實. 尤其是當火牛質素唔係咁好, 而且用左一段日子之後會老化. 安全問題只有相信大廠? 名牌都係大陸/東南亞設廠啦, 唔通下下買日本/歐洲貨?

純粹個人意見, 唔同意即管批評啦.

係，看了上面的回答都有同感，覺得唔係好妥善，時下的家用電器好多都沒有電源全關掣，如微波爐、電腦、電腦 Mon、絕大部分的差電機和電子產品的電源供應器、新款的電視機、上網用的解調器、抽濕機等等，但係回想反、某些電器設計上可以加電源開關，某些加上了可能又會帶來不便，如果所選用的係大廠牌，那安全問題只有相信他們。

因為新款的電視機，都加上好多新功能，如時鐘功能，設定開關機時間，時鐘響鬧等等，還有就是感應式接電源後有隨插即用功能，帶領你把電視機設定搜台等等。

最終如想把電器全關，方法係用有開關掣的拖板，開機關機就用拖板上的總開關，那就可以達成心願，本人會選擇式使用這方法。

我覺得某些電器由它處於備用狀態都不會有問題，若出門會有一段日子的話，把插蘇拔出斷電就是了，通常係唔會出事的。









2009-01-25 14:11:25 補充：
現在好多家庭電器都備有遙控功能，因遙控系統是要處於通電狀態才有作用，故此必須接上電源，而製造商也關注到耗電的問題，亦不斷地發展出最少待機耗電的電路，無論你控制的是甚麼功率的電器，待機耗電都非常少，大概係幾瓦特，就相當於一個手機的差電器用電量。