前男友多番邀約，好煩惱

2009-01-21 10:03 am

我同而家個男朋友拍左拖兩年，明年會結婚。身邊好多朋友都知，而且我地年紀唔係細，好穩定，大家都祝福我們。

不過，我的前男友，其實都分左手幾年，本身一直keep住朋友關係，一大班人出來時才見面，因為佢同我住得近，好偶然會約出來食下野，都係閒話家常。

但係，自從我同而家男友拍拖後，前男友反而越來越多邀約。有時請我食飯，跟住隔一個禮拜又話叫我請返佢，總之成日搵我。其實佢都知我有男朋友，我都同佢講話呢個男友好好，計劃結婚了，但佢都照約我。成日都問我同男朋友D野。就咁睇落佢當我係Friend咁，但係又唔避忌下。我男朋友都知道佢咁樣，都有少少介意，不過見我同佢一直都叫做係朋友，就無出聲。

舊男友而家無拍拖。應該唔係鍾意我，但係成日單獨搵我出來。又叫我同佢影合照，影左又催我幾次要SEND返張相俾佢。我有懷疑佢雖然唔係鍾意我，但又想破壞我……

我都試過推佢，唔出來，或者唔聽佢電話。但因為我同佢一直都算係朋友，又有好多共同朋友，費事攪到反面或者好生疏。

有無人可以話俾我知，佢到底諗乜？我應該怎做？

回答 (9)

◇★ 靚靚精靈 ☆◆

2009-01-21 10:40 am

✔ 最佳答案

其實一切權利操縱在妳手,
沒理由要給人破壞妳的幸福!
妳是最清楚這情況不過的,
當然一切要為自己著想為大前題,
妳既然都覺得他不是鍾意妳, 但又想破壞,
那就別讓他得呈, 此人居心叵測!
妳這位舊情人可能不懷好意, 還是少見為妙!
除非妳還喜歡他吧, 否則不見他妳絕對沒損失!
個人認為妳最好不要與他單獨見面,
但是繼續一大班人出來時才見他就無妨,
這樣又不至於完全跟他失去聯繫,
但可保妳和妳現在的男友的感情平平安安!
妳這舊情人可能對妳仍有一份情意結,
但知妳現在不喜歡他, 他心內有份失落、空虛感,
由於他沒有感情寄託, 所以有可能想跟妳再續未了緣,
因此他經常問妳同男朋友D野, 內心在惴測比較,
若真的不能和妳再續, 他亦可能想搞搞破壞!
我覺得只要妳同男朋友結了婚, 他多數就會死心的了!
現階段妳應好好保護自己和現在男朋友的感情,
為免男朋友不安, 妳還是不要單獨見舊情人了,
祝您好運!

2009-01-21 05:40:42 補充：
妳大概不好意思拒他於千里吧,
如果他再約妳外出,
妳就說約了男朋友, 沒有空!
妳推多幾次他就無癮的了!

👍 0 👎 0

用戶4923

2009-01-23 7:53 pm

順其自然開心說出，但因你無態？是你問題？

你明白情不可以強求？如果你愛她祝他幸福！日後仲可以做朋友！做好準備！日後香港小姐先生你都有？急乜嘢＝

男女仔＝一定要有學歷，實力.專業，會大把男人女人排隊比你揀？檢討自己不足之處！問自己有乜嘢善長？可以擔負兼養外父母生活嗎？可以養活兒嗎？

你寫信告訴她！多謝她相處中容忍自己不是之處！我不會再擾亂你生活！希望你幸福！日後如果有用得着我地方？除時至電比我？再見

你自己是男人？社會竟爭大？趕緊去增值自己？因為父可以有屋比你媽媽和你兄弟妹住？你日後可以有屋比老婆老子女住嗎？去行量實力去努力吧

👍 0 👎 0

用戶24051

2009-01-22 1:55 am

您應該同您前男友講您依家既男朋友好介意...
希望您前男友唔好成日搵您..

我覺得咁好d囉-.-

👍 0 👎 0

Gigi

2009-01-21 10:23 pm

我覺得有時有d情況要自私d, 無錯你一直當佢朋友, 但唔知人地點諗, 其實你地始終以前拍過拖, 就算佢唔係想追番你, 或者鍾意你, 但衰d諗佢會唔會唔抵得你幸福呢? 既然你都知佢問題所在, 就要老實同佢講, 如果佢仲係咁, 你都唔想為左佢無左依家未來老公呀, 朋友有好多種, 有d真係要避忌, 或者, 既然你話你地有共同朋友, 可唔可以叫埋一齊出黎食飯..玩呢? 或者叫埋你男朋友出席得唔得呢? 如果依家情況都咁麻煩, 第時你結左婚, 佢一樣會咁煩你架喎, 都係灑脫d好, 朋友可以再搵, 好老公機會唔多.

👍 0 👎 0

2009-01-21 9:18 pm

佢到底想點~唔係重要
最緊要係你點諗~你都就黎同你男朋友結婚
可以直接同佢講叫佢唔好成日搵你, 因為你男朋友唔鐘意
如果佢真係唔鐘意你又想破壞你, 呢d咁既男人簡直你衰到貼地
你越理佢, 佢反而得寸進尺
所以真係要同佢講得清清楚楚, 唔好影響到你同你而家男朋友既感情
既然你地有共同既朋友咁就仲好, 你都可以嘗試同佢講下呢件事, 或者可能會知道你個ex究竟想點

👍 0 👎 0