滲透作用中既淨移動

1. 咩係 [淨移動]
先舉個例子: 當一架載住乘客既巴士經過一個車站...
1. 如果有10個人上車, 6個人落車, 咁 [淨移動] 就等於 [4個人上車].
2. 如果有 10個人上車, 15個人落車, 咁 [淨移動] 就等於 [5 個人落車].
好, 講返細胞. 當細胞係架巴士. 有d水份子由 水勢高 去 水勢低既地方, 有d由水勢低去水勢高既地方, 就好似有人上車有人落車. 咁淨移動就即係, 比較多水係入緊去[上車], 定係出緊去[落車]啦.
2. 滲透作用同擴散作用既分別系咩?
先講相同點:
兩者都係水分子和溶解物質 [如墨份子, 或糖份子] 移動既結果.
再講分別:
1. 最大分別係 滲透作用中間有一塊半透既膜[即細胞膜].
擴散作用係冇膜既.
2. 擴散作用中間冇膜, 所以只會有模模糊糊地, 有d地方多d墨水有d少d墨水, 大約係一個漸變色既水體. 由濃到稀咁 漸變就係 濃度梯度[concentration gradient].
而滲透作用將有關既液體截然分成兩個位置, 就唔係漸變, 而係濃度一邊高一邊低.
3. 擴散作用到最後係全個水體濃度相同, 即係完全混和, 梯度消失.
滲透作用呢, 由於溶解物質 [如墨份子, 或糖份子]被半透膜阻住, 係永遠唔會過到去對面既. 即係就算水份子冇淨移動, 膜既兩邊濃度始終不同.

其實你可以甘睇..一個細胞有分子能夠進入細胞膜時,也能離開,對嗎?

所以不論水勢高低,水分子都會有[[[進入]]]和[[[離開]]]的時候,

例如,外面的水勢較高,所以有大部分的水分子進入細胞,但也會有小部分的水分子從細胞到外面,

大部分的水分子進入細胞>小部分的水分子從細胞到外面

又例如有8粒水分子(當它們體積一樣)從[高]到[低],有2粒水分子從[低]到[高],相減後,有6粒水子從[高](淨移動)到[低]

所以水分子籍著滲透作用由高水勢既地方(((淨移動)))到低水勢的地方