✔ 最佳答案
唔係唔可以自己搞掂, 但你自己又唔係護士,
D工具又無好好消毒, 你點整都有機會搞到傷口發炎再發炎架,
更何況你依家咁o既情形, 分分鐘要去放濃架!
如果你堅持要自己洗傷口o既話,
你就去一D醫療用品公司,
去買幾包獨立o既消毒棉花(真空包裝約5~6粒),
一包無菌包(裡面有2個夾,有幾片敷料,幾粒棉花,一塊膠墊),
再買一樽生理鹽水, 同一卷紙膠布,
係你沖完涼之後, 開一包獨立棉花,
將適量o既生理鹽水注入袋裡面(足夠浸濕棉球就ok),
利用無菌包裡面o既夾將浸濕o既棉花夾出,
由傷口上方向下印洗(最好一粒棉花只洗傷口一下),
如此類推清理傷口直至棉花用完,
再用敷料蓋上傷口用紙膠布貼好就完成!
但我要提醒你, 傷口最緊要唔好掂到水,
因為就算自來水都係有細菌o既!
以上我所講o既做法, 只係清洗傷口o既作用,
你如果要消毒只有去睇醫生囉,
再講你傷口已發炎仲要留濃tim,
其實你真係要去睇醫生架,
因為依家o既空氣裡面實在有太多細菌啦,
好彩依家天氣凍, 如果係夏天傷口有機會俾食肉菌感染架!
如果我以上所講o既做法你都試過,
但傷口仲係無好o既跡象,
我勸你都係去睇醫生好D,
去睇公立門診唔會好貴, 只係$47,
不過就要排隊囉, 係會麻煩少少,
但依家都可以打電話預約,
最多咪排佢1~2日,
而且醫生幫你睇完又有專業護士幫你洗傷口,
點都會快D好啦,
最後一樣野, 你如果自己去醫療用品店去買野,
果度幾樣野加埋都要成$100,
你不如都係去睇醫生會化算D囉!
祝你快D好返啦!