何謂RAW/Fine/RAW+JPEG/Normal

Raw係相機最原始未經修改的檔案.
一般相機的Jpeg檔其實係經過相機內軟件調較過後才輸出的.已經加晒味精適合就咁用.而raw就要自行用軟件轉成Jpeg先可以用,相機會送埋個軟件,否則一般睇相軟件係睇唔到的.自行轉檔的缺點就係要花時間轉,同埋raw檔體積頗大下,會佔較多記憶卡容量.
好處就係修改程度可以比較大.例如白平衡就可以無限制咁改.Jpeg係好難改得好的.光暗,銳化的修改寛容度都大Jpeg好多.
http://boris.aabyboris.com/2007/11/raw.html
至於Fine同埋Normal就係唔同既Jpeg壓縮率,Fine壓縮小,質量較好但檔案較大,Normal壓縮較多,質量較次但檔案較小.
Raw + Jpeg顧名思義就係一次過影Raw同埋Jpeg.鐘意就咁用唔轉又得,鐘意轉又得,不過由於同時要儲存兩個檔案,會佔記憶卡很多位.