男友幫女友拎袋

係呢度讚一讚你先，身為男孩子好有風度，而家同以前d男仔唔同晒啦！男仔同女仔拍拖重幫佢拎手袋, 可以減輕個女仔負擔，你都唔知女仔手袋真係好架，一大堆化妝品、水、眼鏡有近視的，紙巾、鏡、梳、電話、遊戲機.........等等；呢度都有成8~10磅啦！未曾計(水)喎，女仔唔會唔鐘意ga, 個心重會好開心tim, 因為佢覺得你好有風度，唔怕人地點睇囉。

正如個女仔係你心目之中份量有幾多囉。
我唔會覺得個男仔懦弱喎，反之好( man )呀！

哇 ! 你呢 d 超好男仔, 你女友真係唔識寶呀 ! 有邊個女仔唔鍾意男仔主動幫忙架 ! 都唔知幾有面 !

1)唔駛拎嘢喎,個個都鐘意ga
2)點會覺得你懦弱呢?你幫女女拎嘢,人哋不知幾感激!

你做一個有風度0既男人絕對係0岩﹗﹗

但係都要睇情況﹗ 你地去supermarket一袋二袋咁﹐你又係男人﹐梗係你拿啦﹗ 去黃金買0左部新電腦返屋企﹐咁重﹗ 梗係又係你拿啦﹗﹗

呢D全部都係好體貼0既行為﹐做得無錯﹗﹗ 好仔﹗﹗

不過﹐一樣0野係絕對唔可以幫佢拿的---------- 手袋(暫時拿一拿例外)

有太多女性友人向我表達過﹐非常討厭兼看不起那些當街當巷拿著女朋友手袋的男仔﹗﹗ 唔係懦弱﹐而係好無骨氣﹐好核突﹐好肉酸。 大部份女性更向我表示﹐新相識的男性﹐單獨出街都會試探一下他們﹐會否拿手袋﹖﹗第一﹐希望他們拒絕﹐但要看拒絕的技巧﹗ 第二﹐如果真係拿的話﹐除非佢係吳彥祖啦﹐唔係就應該無下次見面了。

女人點解會咁我都無試過考究﹐因為我本身(男)都唔會做D咁核突0既0野。 你叫我幫你托個雪櫃都無問題﹐但係拿手袋﹐就真係咪搞﹗ 遇著賭徒仲衰﹐一個唔覺意﹐見到D唔應該見0既﹐就賭都唔駛賭啦﹐哈哈﹗ (講笑)

繼續做gentlemen啦﹗﹗ 但係拿手袋﹐就真係咪制﹗

2009-01-20 19:14:20 補充：
恭喜﹗ 恭喜﹗﹗

ok既~~~
如果係我..我都想男友幫我拎野..
如果係介意的, 我會直接同佢講唔使佢拎

我覺得唔會呀, 仲覺得你好體貼忝, 不過視乎你要拎d咩啦, 如果係佢買既野, 幫下手都可以, 但如果佢拎住個好女人既手袋, 我就覺得你唔好幫佢拎啦, 因為外人會望落你女朋友好大女人, 咩都要唒你拎, 睇落你好懦弱, 俾女人支配.

1)

其實好睇你女友既睇法..
每個人既諗法都唔同"

我個人覺得OK"
但我有fd就覺得有個袋跟身會有安全感d


2)

咁樣唔係懦弱啵我又覺得..
你都係為女友好.. 驚佢攰姐.. Right?